Yeni layihə muzdlu qatillərin gizli dünyasının təfərrüatlarından danışacaq.

Starz kanalı Lionsgate studiyası ilə birlikdə “The Continental” adlı televiziya serialı hazırlayır. Serialdakı hadisələr “John Wick” film seriyasının dünyasında cərəyan edəcək. Serialın süjet xəttinin mərkəzində isə muzdlu qatillərin yaşadıqları və fəaliyyət göstərdikləri Continental oteli olacaq. “John Wick” film seriyasının yaradıcılarından biri olan və hər iki filmə rejissorluq etmiş Chad Stahelski serialın ilk epizodunu çəkəcək və həmçinin serialın prodüsserliyini də öz öhdəsinə götürəcək.

Starz kanalı söz verib ki, “The Continental” serialı izləyiciləri maraqlı atışma və döyüş səhnələri ilə heyran edəcək. Həmçinin serialda olacaq bəzi personajların “John Wick 3” filmində də geri dönəcəkləri ehtimalı var. Keanu Reeves-ə gəldikdə isə o, serialda epizodik rolu canlandıracaq. Əsas üstünlük isə yeni personajlara veriləcək. Onu da qeyd etmək lazımdır ki, “John Wick 3” filminin premyerası 17 May 2019-cu il tarixində baş tutacaq.