HBO televiziya kanalı rəsmi olaraq “Game of Thrones” serialının son sezonunun çıxış tarixini təsdiqlədi.

Beləliklə məşhur televiziya serialının final sezonu 2019-cu ildə təqdim olunacaq. Qeyd etmək lazımdır ki, HBO yalnız çıxış ilini söyləyib. Tam dəqiq çıxış tarixi barəsində isə məlumat verilməyib. Beləliklə çəkilişlərinə hələ keçən ilin Oktyabr ayında start verilmiş serialın son sezonunu 1 il gözləmək lazım gələcək. Bundan əlavə olaraq kanal təmsilçiləri bildiriblər ki, 8-ci sezon 6 seriyadan ibarət olacaq. Lakin hər bir seriyanın xronometrajı tam filmin xronometrajına yaxın olacaq.

Bənzər xəbər

Apple şirkətinin işə qəbul zamanı verdiyi 31 qəribə sual!

HBO-nun məlumatlarına əsasən son sezonun hər bir seriyası kanala 15 milyon dollara başa gələcək. Bundan əvvəlki sezonlarda hər bir seriyanın büdcəsi isə 6-10 milyon dollar təşkil edirdi. Pərəstişkarların serialın finalına dair nəzəriyyələrinin düzgün çıxmamasına görə hələ bütün seriyaların çıxmasından öncə serial yaradıcıları bir neçə sonluq variantları çəkəcəklər. Beləliklə serialın aktyor heyəti də serialın necə bitəcəyini bilməyəcək.