Reklam
'Ubisoft'un E3 2017 konfransı. Far Cry 5, The Crew 2, Beyond Good and Evil 2 və s. oyunlar (VİDEO)

'Ubisoft'un E3 2017 konfransı. Far Cry 5, The Crew 2, Beyond Good and Evil 2 və s. oyunlar (VİDEO)

Oyun və Film
13.06.2017 PAYLAŞIM

Gecə saatlarında “Ubisoft” şirkəti, E3 2017 oyun sərgisi çərçivəsində özünün press-konfransını keçirtdi. Həmin konfransda artıq anonsu olunmuş Far Cry 5-in yeni traileri və ilk gameplay videosu təqdim olundu. Bundan əlavə olaraq Assassin’s Creed Origins oyununun yeni traileri göstərildi. Lakin bütün bunlarla yanaşı yeni oyunlar da anons olundu. Həmin oyunlardan ən maraqlıları The Crew 2, Skull and Bones Beyond Good and Evil 2 oldular. Ən böyük sürpriz isə təbii ki, Beyond Good and Evil 2 oyununun anonsu oldu. Belə ki, oyunçuların 15 illik həsrətləri artıq bitdi. İndi isə gəlin həmin oyunlar haqqında qısa məlumatları sizlərə çatdıraq.

Assassin’s Creed Origins:


Nədənsə “Ubisoft” şirkəti öz press-konfransı zamanı sözügedən oyuna demək olar ki, vaxt ayırmadı və yalnız bir yeni trailer təqdim etməklə kifayətləndi. Adətən şirkət bu cür oyuna diqqəti cəlb etmək üçün onun lazımi dərəcədə təqdimatını keçirdirdi. Bu dəfə isə sanki şirkət həmin oyunu görməzdən gəldi. Bu bir qədər suallar yaradır. Ola bilər konfrans zamanı texniki nasazlıqlara görə oyuna lazımi diqqət ayrılmayıb. Hər halda konfransdan dərhal sonra oyunun yeni gameplay videosu da təqdim olundu. Assassin’s Creed Origins bu ilin Oktyabr ayında PC, PS4 və Xbox One üçün satışa çıxacaq.

The Crew 2:

Konfrans çərçivəsində şirkət özünün yarış oyunu olan The Crew 2-ni təqdim etdi. Yeni oyun, birinci hissədən tamamilə fərqlənir. Belə ki, ikinci oyunda nəinki avtomobillər, həmçinin sürətli qayıqlar, hava nəqliyyatı və motosikletlər də olacaq. Bir oyunda bu qədər nəqliyyat vasitəsinin bir araya gətirilməsi nə dərəcədə düzgün reallaşdırılacaq və multiplayer rejimi cəhətdən bu hansı effekti verəcək, bunu bilmək üçün yalnız oyunun çıxışını gözləmək qalır. The Crew 2, bu il PC, PS4 və Xbox One üçün satışa çıxacaq.

Far Cry 5:

“Ubisoft” bu oyunun təqdimatını çox qısa şəkildə leçirtdi. Təqdimat çərçivəsində Far Cry 5-in yeni traileri və qısa gameplay videosu göstərildi. Bu seriyanın keçmiş oyunlarına nəzər saldıqda, yeni oyundan da nəsə yeni bir şey gözləməməyə başlayırsan. Buna baxmayaraq çox güman ki, yeni oyun öz pərəstişkarlarını tapacaq. Far Cry 5 gələn ilin Fevral ayında PC, PS4 və Xbox One üçün satışa çıxacaq.

Skull and Bones:

Şirkət, konfrans çərçivəsində tamamilə yeni oyun da anons etdi. Söhbət Skull and Bones oyunundan gedir. Bu oyun multiplayer rejimli quldur gəmiləri haqqındadır. Oyun open-world mexanikasına sahibdir və ilk baxışdan bilinir ki, bu oyun sanki Assassin’s Creed IV: Black Flag-dakı gəmi döyüşlərinin ayrıca bir layihəsidir. Yəni gameplay mexanikası tamamilə misal gətirilmiş oyundakı mexanika ilə eynidir. Bu cür oyunun nə dərəcədə oyunçunu ekran qabağında saxlayacağı bilinmir. Skull and Bones, 2018-ci ildə PC, PS4 və Xbox One üçün satışa çıxacaq.

Beyond Good and Evil 2:

Konfransın sonunda şirkət, Beyond Good and Evil 2 oyununu anons edərək oyunçulara əsl sürpriz sərgilədi. Qeyd etmək lazımdır ki, Michel Ancel-in bu oyununu oyunçular düz 15 ildir ki, gözləyirdilər. Yeni oyunda hadisələr, birinci oyunun baş qəhrəmanının doğulmasından daha öncəki vaxtı əhatə edəcək. Oyunu həm tək başına, həmdə dostlarla birlikdə co-op və ya online rejimdə oynamaq mümkün olacaq. Təəssüflər olsun ki, Beyond Good and Evil 2-nin hansı tarixdə və hansı konsollar üçün satışa çıxacağı barəsində heç bir məlumat verilməyib.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni 'Need for Speed' barəsində məlumatlar verilib

Yeni “Need for Speed”-in yaradıcıları digər məşhur yarış seriyası olan “Forza Horizon”-dan ilhamlanı..


Hideo Kojima vaxtı ikən 'The Boys' serialı tərzində yeni oyun üzərində çalışırmı..

Məşhur yapon game dizayner Hideo Kojima vaxtı ikən güclü super qəhrəmanlara qarşı mübarizə aparan de..


'God of War: Ragnarok' oyunu barəsində yaxın zamanda yeni məlumatlar təqdim edil..

Son həftələr doğru insayder məlumatları ilə məşhurluq qazanmış Twitter-in The Snitch ləqəbli istifad..


'Ghost of Tsushima 2'?: Sucker Punch studiyası PS5 üçün yeni eksklüziv oyun üzər..

“Infamous” oyun seriyası və “Ghost of Tsushima” oyunu ilə məşhurluq qazanmış Sucker Punch Production..


Xbox & Bethesda Games Showcase: 'Starfield', yeni 'Forza Motorsport' və Hide..

Dünən Microsoft şirkəti tərəfindən keçirilmiş Xbox & Bethesda Games Showcase 2022 tədbiri çərçiv..


'Call of Duty: Modern Warfare II'nin ilk gameplay videosu sərgilənib (VİDEO)

Keçirilmiş Summer Game Fest 2022 adlı online tədbir çərçivəsində Activision Blizzard şirkəti hazırla..

×