Android 15-də istifadəçi hesablarının oğurlanmasından qorunma funksiyası olacaq

     İnsayderlər Android-in test versiyasında yeni təhlükəsizlik funksiyasını aşkar ediblər. Aşkar edilmiş funksiya istifadəçiləri iki mərhələli autentifikasiya kodlarını oğurlayan skam tətbiqlərdən qorumaq üçün nəzərdə tutulub və o, çox güman ki, Android 15-də istifadəyə veriləcək. İnsayderlərin sözlərinə əsasən Android-in test versiyasında olan RECEIVE_SENSITIVE_NOTIFICATIONS sistem icazəsi məhz bu yeni təhlükəsizlik funksiyası ilə əlaqəlidir. Yeni funksiyanın əsas məğzi NotificationListenerService adlı API ilə bağlı bildirişlər xidmətinin çalışmasının məhdudlaşdırılmasındadır.

     Bu API öz növbəsində daxil olan mesajların tətbiqlər tərəfindən oxunmasını və mesajlarla müxtəlif şəkildə qarşılıqlı əlaqəni təmin edir. Hal-hazırda istifadəçilər bu icazəni tətbiqlərə fərdi şəkildə ayarlar üzərindən verə bilirlər. Sözügedən icazənin tətbiqlərə nə dərəcədə böyük imkanlar verdiyini nəzərə alan Google bu xidməti bir qədər məhdudlaşdırmaq niyyətindədir. İnsayderlər Android 14-ün kodunda OTP_REDACTION bəndini aşkar ediblər. Çox güman ki, sözügedən bənd bütün tətbiqlər üçün iki mərhələli autentifikasiya kodlarının oxunuşu imkanını məhdudlaşdıracaq. Hal-hazırda bu bənd Android 14-də istifadə edilmir. Çox güman ki, o, Android 15 üçün nəzərdə tutulub.

Bənzər xəbərlər

Proqram Təminatı

Google Gemini çat-botunu Chrome brauzerinə inteqrasiya edəcək

Google şirkəti özünün Gemini çat-botunu bütün məhsullarına tədricən inteqrasiya etməyə başlayıb.

Proqram Təminatı

Google Chrome-da hakerlərdən yeni qorunma üsulu istifadəyə veriləcək

Hakerlər artıq uzun zamandır ki, öz kiberhücumlarının reallaşdırılması üçün istifadəçilərin kompüterlərini fiziki şəkildə əldə etməyə ehtiyac duymurlar.

Proqram Təminatı

Android 15-i əldə edəcək Samsung cihazlarının siyahısı təqdim edilib

Sammobile saytı Samsung şirkətinin öz smartfonlarında Android yenilənmələrinin istifadəyə verilməsi siyasətinə əsaslanaraq Android 15-i əldə edəcək Samsung cihazlarının siyahısını təqdim edib.

Proqram Təminatı

Android 15-in tərtibatçılar üçün nəzərdə tutulmuş ilk versiyası istifadəyə verilib

Google şirkəti Android 15-in tərtibatçılar üçün nəzərdə tutulmuş Android 15 Developer Preview 1 adlı versiyasını istifadəyə verib.

Cihazlar+

Qatlana bilən Google Pixel Fold 2-nin keyfiyyətli render fotoları ortaya çıxıb

Google şirkəti hal-hazırda qatlana bilən Google Pixel Fold 2 smartfonu üzərində çalışır.