Android-in yeni təhlükəsizlik funksiyası istifadəçiləri zərərli proqram təminatlarından qoruyacaq

     Android Authority saytı Google Play-in test versiyasının kodunda yeni təhlükəsizlik funksiyasını aşkar edib. Aşkar edilmiş funksiya smartfonun kənar şəxsə verilməsi halında onun cihaza zərərli proqram təminatı quraşdırmaq istəməsinin qarşısını alacaq. Adətən Android smartfona APK faylının quraşdırılması cəhdi zamanı sistem həmin faylın istifadəçi və smartfon üçün təhlükəsiz olduğunu təsdiqləmək istiqamətində faylın skan prosesini təklif edir. Lakin “istənilən halda quraşdırmaq” bəndini seçməklə bu cür yoxlanışdan yan keçmək mümkündür.

     Smartfonu əldə etmiş dələduz və ya haker istifadəçinin xəbəri olmadan bu üsul ilə cihaza zərərli proqram təminatını quraşdıra bilər. Google Play-in test versiyasında aşkar edilmiş yeni təhlükəsizlik funksiyası isə bu problemi belə həll etməlidir. APK faylın skan prosesindən imtina halında faylın quraşdırılma prosesinin davamı üçün smartfon sahibinin barmaq izi skanını reallaşdırmaq və ya smartfonun blokdan çıxarılması üçün nəzərdə tutulmuş PIN kodu daxil etmək lazım gələcək. Bunun sayəsində smartfonun sistemi APK faylın məhz smartfon sahibi tərəfindən quraşdırıldığına əmin olacaq. Bu funksiyanın hamı üçün nə zaman istifadəyə veriləcəyi bilinmir.

Bənzər xəbərlər

Digər

iPhone istifadəçiləri, proqramlara Android istifadəçilərindən daha çox pul xərcləyirlər!

Sensor Tower adlı mobil analiz şirkəti tərəfindən paylaşılan məlumatlara görə, iPhone istifadəçiləri Android istifadəçilərinə nisbətən tətbiqlər üçün daha çox pul ödəyirlər.

Proqram Təminatı

Android 15 sabah təqdim edilir: Gələcək bütün yenilikləri təqdim edirik!

Google-un yaxınlaşan mobil əməliyyat sistemi Android 15 sabah açıqlanacaq. Bəs, bu əməliyyat sistemi hansı xüsusiyyətlərlə təchiz olunacaq?

Təhlükəsizlik

Microsoft məşhur Android tətbiqlərdə ciddi boşluq aşkar edib

Microsoft tərtibatçıları Android üçün nəzərdə tutulmuş məşhur tətbiqlərdə ciddi boşluq aşkar ediblər. Aşkar edilmiş boşluq hakerlərə istifadəçi smartfonunda distant şəkildə zərərli proqram kodunun işə salınması və istifadəçi məlumatları ilə autentifikasiya tokenlərinin oğurlanması imkanlarını verir.

Təhlükəsizlik

Google keçən il Play Marketdə 2.28 milyon zərərli proqram təminatını bloklayıb

Google bildirib ki, o, 2023-cü ildə özünün Play Market platformasına 2.28 milyon ədəd Android tətbiqin yerləşdirilmə cəhdini bloklayıb.

Proqram Təminatı

iPhone-ların kilid ekranı xüsusiyyəti Android-lərə gəlir! (VİDEO)

Android 15 kilid ekranını daha faydalı edəcək yeni bir xüsusiyyət gətirir. iPhone-lardakı canlı hadisələrə bənzər vidcetlər Android smartfonlarına gəlir.