Android üçün telefon dələduzluğundan yeni qorunma həlləri hazırlanır

     Google şirkəti Android mobil platformasına istifadəçiləri telefon dələduzlarından qorumağa yönəlmiş bir neçə yeni funksiya əlavə edir. Tərtibatçılar aldatma halları ilə mübarizə aparmaq üçün yeni alətlər yaratmağa davam edir və Android cihazlarını hərtərəfli şəkildə qorumağı qarşılarına məqsəd qoyublar. Yeniliklərdən biri, tanımadığınız şəxslərlə ünsiyyət zamanı brauzerlərdən, messencerlərdən və digər mənbələrdən tətbiqlərin yüklənməsinin bloklanması olacaq.

     Bundan əlavə, Android telefon danışığı zamanı tətbiqlərə həssas icazələrə çıxış verməyə imkan verməyəcək. Bu tədbirlər potensial təhlükəli tətbiqlərin cihaz üzərində nəzarəti ələ keçirməsinin və şəxsi məlumatların oğurlanmasının qarşısını almağa yönəlib. Danışıq zamanı istifadəçi parametrləri dəyişməyə cəhd etdikdə, ekranda belə bir xəbərdarlıq görünəcək: “Bu ayar cihazınızı qorumaq üçün bloklanıb”.

     Google eyni zamanda xəbərdarlıq edəcək: “Dələduzlar tətbiqə giriş icazəsi verməyinizi istəyərək cihazınıza sahib çıxmağa cəhd göstərə bilərlər”. Artıq Android zəng zamanı Play Protect təhlükəsizlik xidmətinin deaktiv edilməsinə imkan vermir. Google-un məlumatına görə, yeni funksiyalar istifadəçinin cihazında lokal olaraq işləyir və dələduzların qurbanı aldadaraq zərərli tətbiq quraşdırmağa və ya ona çıxış verməyə məcbur etməsinin qarşısını almağa yönəlib. Hər iki funksiya tezliklə Android 16 ilə çalışan cihazlarda istifadəyə veriləcək.

Mənbə: The Verge