Android XR eynəyin gündəlik həyatda necə çalışacağı sərgilənib (VİDEO)
Proqram Təminatı
21.05.2025
Emil
Google, I/O 2025 konfransında Android XR ağıllı eynəyinin gündəlik həyatda necə işləyəcəklərini ətraflı şəkildə nümayiş etdirib. Bu qurğu kamera, mikrofonlar, dinamiklər və linzaların içində yerləşən ekran ilə təchiz olunacaq. Eynək smartfonla sinxronlaşdırılacaq və smartfonu çıxarmadan tətbiqlərə çıxış imkanı yaradacaq. Süni zəka olan Gemini ətrafda baş verənləri görə və eşidə biləcək, konteksti analiz edəcək və istifadəçiyə real vaxt rejimində faydalı məlumatlar təqdim edəcək. Dəstəklənəcək xidmətlər arasında Google Calendar, Google Maps, Google Messages, Google Photos və digərləri yer alacaq.
Google şirkəti vurğulayıb ki, eynəyin dizaynına xüsusi diqqət yetirilib. “Texnologiyanı cəlbedici etmək üçün biz Warby Parker və Gentle Monster kimi brendlərlə əməkdaşlıq etdik. Çünki eynək elə olmalıdır ki, insan ondan bütün gün istifadə etmək istəsin!” - deyə Google nümayəndələri bildiriblər. Eyni zamanda, Google və Samsung arasındakı tərəfdaşlıq da yeni mərhələyə keçib. Şirkətlər ortaq proqram platforması və nümunə avadanlıq yaradacaqlar ki, bu da digər istehsalçılara öz versiyalarını inkişaf etdirməyə imkan verəcək.
Qeyd olunur ki, tərtibatçılar bu platforma ilə ilin ikinci yarısından etibarən işləyə biləcəklər. Hazırda Google, prototipləri etibarlı test istifadəçiləri ilə sınaqdan keçirir və onların rəylərini toplayır. Həmçinin məlum olub ki, Android XR xəttindəki ikinci cihaz XREAL ilə birgə hazırlanır. Bu cihaz portativ və qoşula bilən olacaq, xarici görünüşcə isə qalın gün eynəklərinə bənzəyəcək. Cihaz əvvəlcə xüsusi tərtibatçı versiyası kimi istifadəyə veriləcək ki, tərtibatçılar XR üçün uyğunlaşdırılmış tətbiqləri test etməyə başlaya bilsinlər.
Paylaş
Ən çox oxunanlar
Enerjinin naqilsiz şəkildə ötürülməsində yeni rekorda imza atılıb
