iOS 17.5 "Web Distribution" dəstəyini özündə ehtiva edir. Bu o deməkdir ki, Avropa Birliyindəki iPhone istifadəçiləri proqramları alternativ tətbiq mağazalarından başqa, birbaşa veb-saytdan da yükləyə bilərlər. Lakin hazırda bu yeni "Web Distribution" xüsusiyyəti vasitəsilə tətbiqlərini təqdim edən hər hansı bir tərtibatçı yoxdur. Bundan əlavə, ABŞ və Kanada da Apple News+ abunəliyinə qoşulmuş istifadəçilər üçün tətbiqə yeni söz oyunu əlavə edilib.

     iOS 17.5-ə AirTags kimi aksesuarlar üçün anti-izləmə funksiyalarına yönəlmiş yeni bir xüsusiyyət də daxildir. Bu yenilik, isə Apple-ın arzuolunmaz izləmə cihazları ilə mübarizə apara bilməsi üçün Google ilə işbirliklərini elan etdikdən sonra təqdim edilib.

     iOS 17.5 yeniləməsində bütün istifadəçiləri maraqlandıran yeganə diqqətəlayiq yenilik "Repair State" xüsusiyyəti olub. Apple-ın "Find My"a əlavə etdiyi bu xüsusiyyət iPhone-u servisə göndərməzdən əvvəl "Find My"ı söndürmək ehtiyacını aradan qaldırır. Apple-ın texniki işçiləri həmin şəxsin iPhone-un sahibi olub-olmadığını yoxlaya və daha sonra "Stolen Device Protection" və "Find My" xüsusiyyətlərini söndürmədən təmirə davam edə bilər.