Apple, 2024-cü ilin aprelində qüvvəyə minən Böyük Britaniyanın Məhsul Təhlükəsizliyi və Telekommunikasiya İnfrastrukturunun (PSTI) tənzimləməsi çərçivəsində internet bağlantısı olan məhsullar üçün minimum təhlükəsizlik yeniləmə müddətini elan etməli idi. Bu tənzimləmə, IoT (Əşyaların İnterneti) cihazlarının təhlükəsizliyini artırmaq məqsədi daşıyır.

     Apple, bu qaydaya uyğun olaraq, iPhone 15 Pro Max modelinin ilk satış tarixindən etibarən 5 il müddətində təhlükəsizlik və əməliyyat sistemi yeniləmə dəstəyi təmin edəcəyini bildirib. Bu açıqlamaya görə, iPhone 15 seriyası, 22 sentyabr 2023-cü ildən başlayaraq 22 sentyabr 2028-ci ilə qədər yeniləmələr alacaq. Lakin bu müddət, rəqibləri ilə müqayisədə daha qısadır. Google və Samsung, 7 ildir ki, flaqman cihazları üçün təkcə təhlükəsizlik yeniləmələrini deyil, həm də əməliyyat sistemi yeniləmələrini təklif edir. Məlumdur ki, Apple uzun illərdir öz cihazlarına dəstək verir. Məsələn, bəzi iPhone modelləri 6 il və ya daha çox müddətlik yeniləmələr alıb. Bu vəziyyət, yeniləmə dəstəyi müddəti tərəfində bir çox Android cihazı geridə qoyur. Lakin Apple, rəsmi olaraq iPhone 15 istifadəçilərini məyus edən 5 illik minimum yeniləmə dəstəyini təyin etdiyini bildirib.