Apple öz axtarış sistemini hazırlamağı planlaşdırmır
Proqram Təminatı
25.12.2024
Son bir neçə il ərzində ortaya çıxmış məlumatlarda qeyd edilirdi ki, Apple şirkəti Google Search-ə bənzər axtarış sistemini hazırlamağı planlaşdırır. Məlumatlarda Apple şirkətinin bu üsul ilə Google-dan asılılığını aşağı salmaq istəməsi qeyd edilirdi. Lakin indi məlum olub ki, Apple fərdi axtarış sisteminin hazırlanmasını planlaşdırmır. Bu barədə məlumatı şirkətin servislər ilə bağlı məsələlər üzrə vitse-prezidenti Eddie Cue təqdim edib. Eddie Cue öz növbəsində Apple şirkətinin nəyə görə fərdi axtarış sistemini hazırlamaq istəməməsinin bir neçə səbəbini açıqlayıb. Səbəblər aşağıdakılardır.
- Yüksək xərclər və müddətli resurslar. Axtarış sisteminin hazırlanması Apple şirkətinə milyardlarla dollara və uzun illərə başa gələrdi. Nəticədə şirkətin diqqəti və resursları digər vacib istiqamətlərdən axtarış sisteminin hazırlanmasına yönələcəkdi.
- Axtarış sistemləri sahəsinin sürətli təkamülü. Süni zəka texnologiyasının təsiri bu sahəni qeyri-stabil vəziyyətə gətirir. Buna görə də axtarış sisteminə investisiya riskli ola bilər.
- Konfidensiallıq prinsipləri ilə konflikt. Axtarış sisteminin uğurlu şəkildə çalışması üçün hədəflənmiş reklamların satışı lazımdır. Bu isə Apple fəlsəfəsinə ziddir. Belə ki, şirkət istifadəçilərin konfidensiallıqlarına böyük önəm verir.
- Resurs çatışmazlığı. Şirkət rəqabət apara biləcək axtarış sisteminin hazırlanması üçün yetəri sayda mütəxəssisə və infrastruktura sahib deyil.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar