Apple robotlaşdırılmış cihazlar üçün yeni nəsil süni zəka köməkçisi üzərində çalışır

Proqram Təminatı

28.08.2024

Emil Nəcəfov

Bloomberg saytının məşhur insayderi Mark Gurman-ın sözlərinə əsasən Apple şirkətinin süni zəka ilə bağlı böyük planları var. Belə ki, insayder bildirib ki, Apple hal-hazırda gələcəkdəki robotlaşdırılmış cihazlar üçün nəzərdə tutulmuş yeni nəsil virtual köməkçi üzərində çalışır. Bununla belə söhbət, Siri-nin yeni nəsil versiyasından getmir. İnsayder qeyd edib ki, Siri şirkətin hal-hazırda mövcud cihazları üçün nəzərdə tutulub. Söhbət, iPhone, iPad, Mac və s. cihazlardan gedir.

Bununla belə şirkət generatiov süni zəka əsaslı yeni virtual köməkçi interfeysi üzərində işlər aparır. Qeyd etmək lazımdır ki, bir neçə müddət bundan öncə məlumat ortaya çıxdı ki, Apple ekrana sahib robotlaşdırılmış əl üzərində çalışır və bu cihaz şirkətin yeni növ cihazlar kateqoriyasına daxil olacaq. Apple tərəfindən paralel olaraq hazırlanan yeni virtual köməkçinin də məhz qeyd edilmiş cihaza və şirkətin gələcəkdə ola biləcək digər robotlaşdırılmış cihazlarına inteqrasiya ediləcəyi gözlənilir.

Linki kopyala

apple