Apple servislərində backdoor-un yerləşdirilməsi mövzusunda Böyük Britaniya və ABŞ rəsmiləri danışıqlar aparıblar

     Böyük Britaniya və ABŞ rəsmiləri, Böyük Britaniyanın istifadəçilərə məxsus şifrələnmiş məlumatlara giriş əldə etmək üçün Apple servislərində backdoor yaratmaq niyyətində olduğu ilə bağlı narahatlıqları aradan qaldırmaq üçün danışıqlar aparıblar. Bloomberg-in məlumatına görə, fevral ayında Britaniya hüquq-mühafizə orqanları Apple-dan istifadəçilərin şifrələnmiş məlumatlarına giriş imkanı tələb edib. Bundan sonra Apple, Britaniyadakı müştərilərini "Advanced Data Protection" funksiyasından məhrum edib. Nəticədə Apple, istifadəçilərin ehtiyat məlumatlarına, o cümlədən iMessage yazışmalarına giriş əldə edib.

     Bu, Apple-ın Britaniya hakimiyyət orqanlarından rəsmi sorğu daxil olduqda həmin məlumatları təqdim edə bilməsi deməkdir. Texnologiya şirkətləri və hökumətlər illərdir ki, istifadəçilərin kommunikasiyalarını qorumaq üçün etibarlı şifrələmə üsulları uğrunda mübarizə aparırlar. Lakin dövlət qurumları bu üsulları kütləvi müşahidə proqramları və cinayətkarlığa qarşı mübarizədə maneə kimi görürlər. Böyük Britaniyanın tələbləri isə misli görünməmiş dərəcədə sərt olub. ABŞ hakimiyyəti bu məsələyə nəzarət etmək qərarına gəlib və Londonun şifrələnmiş bulud məlumatlarına giriş tələb edərək iki ölkə arasında mövcud razılaşmaları pozub-pozmadığını araşdırır.

Mənbə: Bloomberg