ChatGPT katib imkanlarını əldə edib

     OpenAI şirkəti özünün süni zəka əsaslı ChatGPT çat-botuna Tasks adlı funksiyanı əlavə edib. Bu yeni funksiya çat-bota tapşırıqların planlaşdırılması və ona tapşırılmış əmrlərin yerinə yetirilməsi prosesinin müəyyən müddətə kimi təxirə salınması imkanlarını verir. Yəni bu funksiya faktiki olaraq çat-botu bir növ katibə çevirir. Tasks funksiyası sayəsində istifadəçilər mətn formatında sadə sorğulardan istifadə edərək bu çat-botdan bəzi istifadə ssenarilərini avtomatlaşdıra biləcəklər. Tapşırıqların planlaşdırılması rejimində ChatGPT istifadəçi tərəfindən qoyulmuş tapşırığı tanıyaraq onu təqvimə əlavə edir.

     Məsələn çat-bot iki həftədən sonra istifadəçinin yadına sala bilər ki, hansısa bağlamanı göndərmək lazımdır. Və ya çat-bot hər gün lazımi qədər maye qəbulunu istifadəçinin yadına sala bilər. İstifadəçi tərəfindən təyin olunan tapşırığın bu halda tərkibi müxtəlif ola bilər. Bu rejimdə çat-bot tərəfindən yerinə yetirilən tapşırığın bildirişi ChatGPT tətbiqinin quraşdırılmış olduğu bütün cihazlara gəlir. Digər bir yenilik isə əmrlərin cədvəl üzrə yerinə yetirilməsi imkanıdır. Məsələn çat-bot hər səhər sizi salamlaya, sizə hava proqnozu məlumatlarını, görüləcək müəyyən işlərin siyahısını və s. məlumatları göndərə bilər. Bu yeni imkanlar ChatGPT-nin 4o süni zəka modeli əsasında çalışan versiyasına əlavə edilib və onlar hələ ki, çat-botun ödənişli Plus, Team və Pro versiyalarında aktivdirlər.

Bənzər xəbərlər

Tech-Biznes

ABŞ dövlət qurumları OpenAI şirkətinə qarşı olan məhkəmə iddiasında Elon Musk-ın tərəfini tutublar

ABŞ-ın tənzimləyici orqanları süni zəka sahəsində fəaliyyət göstərən OpenAI şirkətinin kommersiya məqsədli şirkətə çevrilməsi prosesinin qadağan olunmasını tələb edən Elon Musk-ın tərəfini tutublar. Söhbət, ABŞ Ədliyyə Nazirliyi və Federal Ticarət Komissiyasından (FTC) gedir.

Süni İntellekt

Microsoft və OpenAI ümumi süni zəka (AGI) mövzusunda razılığa gəliblər

Microsoft və OpenAI şirkətləri öz aralarında gələcəkdə ola biləcək ümumi süni zəkanın (AGI) kriteriyalarını təyin edəcək razılaşmanı əldə ediblər.

Proqram Təminatı

ChatGPT-nin süni zəka əsaslı axtarış sistemini aldatmaq çox asandır

OpenAI şirkəti bir neçə müddət bundan öncə ChatGPT tərkibində axtarış sistemini istifadəyə vermişdi. Məlum olub ki, süni zəka əsaslı çat-bot tərkibində çalışan axtarış sistemi ənənəvi Google Search-dən daha sürətli olsa da ideal deyil.

Elm & Texnologiya

OpenAI-ın insanabənzər robot planları üzə çıxıb!

Yayımlanan yeni bir hesabatda OpenAI-ın insanabənzər robotlar hazırlamağı nəzərdən keçirdiyi bildirilib. Şirkət hazırda Figure AI və 1X kimi insanabənzər robotlar istehsal edən şirkətlərə mühüm sərmayələr yatırıb.

Süni İntellekt

OpenAI məntiq yürüdə bilən o3 və o3 mini adlı yeni süni zəka modellərini təqdim edib

OpenAI şirkəti iki yeni süni zəka modelini təqdim edib. Onlardan birincisi o3, ikincisi isə o3 mini adlanır. Bu süni zəka modellərinin əsas fərqləndirici xüsusiyyətlərindən biri də odur ki, onlar məntiq yürütmək bacarığına sahibdirlər.