ChatGPT-nin yeni funksiyası istifadəçilərə fasilə vermək zərurətini xatırladacaq

     OpenAI şirkəti ChatGPT-yə yeni bir funksiyanı əlavə edib. Bu funksiya istifadəçilərə süni intellektlə uzun müddətli ünsiyyət zamanı fasilə vermək zərurətini xatırladır. Xatırlatmalar ekranda açılan bildiriş pəncərələri şəklində göstərilir və dialoqu davam etdirmək üçün istifadəçi razılıq verməlidir. Bu sistem ChatGPT-də tətbiqi daha ciddi bir məqsədə - istifadəçilərin psixi sağlamlığı ilə bağlı məsələlərin qarşısını almağa yönəlib. Bu qərar süni intellektin istifadəçilərin psixi sağlamlığına təsiri ilə bağlı artan narahatlıqlar fonunda qəbul edilib. Hələ iyun ayında The New York Times belə bir material dərc etmişdi ki, ChatGPT bəzən hər şeyə düşüncəsiz şəkildə razı olur, yalan və ya potensial təhlükəli məlumatlar yaradır.

     Bu isə, xüsusilə psixi pozuntuları olan insanlar da daxil olmaqla bəzi istifadəçilərin destruktiv söhbətlərə qərq olmalarına səbəb olurdu - hətta intihar düşüncələrinin müzakirəsinə qədər. Belə hallarda bot bu cür danışıqları hər zaman düzgün şəkildə dayandıra bilmirdi. OpenAI nümayəndələri öz bloqlarında bu çatışmazlıqları etiraf edərək bildiriblər ki, gələcəkdə ChatGPT yenilənəcək və həyati əhəmiyyət kəsb edən qərarlarla bağlı sorğulara daha ehtiyatlı şəkildə cavab verəcək.

     Birbaşa cavab vermək əvəzinə, süni intellekt istifadəçidən dəqiqləşdirici suallar soruşacaq, vəziyyəti təhlil etməyə və “lehinə” və “əleyhinə” arqumentləri qiymətləndirməyə kömək edəcək. Bundan əvvəl də OpenAI, ChatGPT-nin həddindən artıq itaətkar və hər bir fikrə qıcıqverici şəkildə baş qoşan hala gəlməsinə səbəb olan bir yeniləməni geri çəkməli olmuşdu. Şirkət süni intellekti faydalı və mehriban etməyə çalışsa da, dəstək və yaltaqlıq arasında tarazlıq demək olar ki, həddə çatmışdı. Tərtibatçıların fikrincə, süni intellektlə aparılan dialoqlarda fasilələrin olması heç olmasa istifadəçilərə ChatGPT-nin verdiyi cavabların nə dərəcədə etibarlı olduğunu yoxlamaq üçün zaman qazandıracaq.