
ChatGPT süni zəka əsaslı ən məşhur çat-bot olaraq qalır
Proqram Təminatı
02.04.2025
Emil
OpenAI-nin süni zəkaya əsaslanan çat-botu ChatGPT hələ də bu tip xidmətlər arasında dünyada ən məşhuru olaraq qalır. Lakin SimilarWeb və Sensor Tower kimi analitik şirkətlərin statistikalarına görə, rəqib platformalar da sürətlə istifadəçi bazasını genişləndirirlər. SimilarWeb, veb saytların, o cümlədən çat-botların veb versiyalarının trafikinə dair analizlərdə ixtisaslaşıb və şirkətin məlumatına görə, mart ayının yekunlarına əsasən Google-un Gemini servisi fevral ayı ilə müqayisədə auditoriyasını 7.4% artıraraq gündəlik 10.9 milyon istifadəçiyə çatdırıb. Microsoft Copilot 1 ay ərzində auditoriyasını 2.1 milyon nəfər artıraraq 2.4 milyona çatdırıb. Anthropic Claude mart ayında 3.3 milyon istifadəçi ilə nəticə göstərib.

Çin şirkəti DeepSeek-in çat-botu gündəlik 16.5 milyon istifadəçi həddini keçib - xAI Grok da eyni nəticə göstərib. Mart ayının sonunda ChatGPT-nin gündəlik istifadəçi sayı 500 milyon nəfərə çatıb. OpenAI platforması hələ də böyük fərqlə liderliyini qoruyur, lakin ikinci yer uğrunda ciddi mübarizə gedir. Mart ayının yekunlarına əsasən ikinci yerə yüksələn DeepSeek, fevral ayı ilə müqayisədə auditoriyasının 25%-ni itirib. Əvəzində xAI Grok əvvəlki ayla müqayisədə təxminən 800% artım göstərib və SimilarWeb bildirib ki, bu, reytinqdə ən böyük müsbət dinamika olub. Çat-botların mobil tətbiqlərindəki istifadəçi aktivliyi süni zəkanın yeni modellərinin təqdimatı ilə əlaqələndirilir.

Sensor Tower statistikasına görə, Anthropic şirkəti Claude 3.7 Sonnet modelini təqdim etdikdən sonra, 24 fevralda başlayan həftə ərzində Claude tətbiqinin auditoriyası 21% artıb. 2 həftə əvvəl isə, Google Gemini 2.0 Flash təqdim olunandan sonra Gemini tətbiqinin auditoriyası bir həftədə 42% artım göstərib. Yenilənmiş modellərlə yanaşı, istifadəçilər xidmətlərdə təqdim edilən yeni funksiyalara da maraq göstərirlər: Məsələn, Gemini-də proqram kodunun işə salınmasına imkan verən Canvas funksiyası və ya Anthropic-in daim əlavə etdiyi Claude-un yeni imkanları. Lakin bu sahədə OpenAI üçün narahatlıq doğuracaq bir vəziyyət hələlik yoxdur. Mart ayına olan məlumata əsasən, ChatGPT-nin mobil tətbiqinin aktiv istifadəçi sayı Gemini və Claude tətbiqlərinin birlikdə olan auditoriyasını on dəfələrlə üstələyib.
Mənbə: Techcrunch
Paylaş
google
openai
microsoft
anthropic claude
chatgpt
anthropic
openai chatgpt
microsoft copilot
deepseek
google gemini
Bənzər xəbərlər

Süni İntellekt
OpenAI yaxın zamanda məntiqi düşünməyə sahib açıq mənbəli yeni süni zəka modelini istifadəyə verəcək
Yaxın aylarda OpenAI süni zəkaya əsaslanan açıq mənbəli böyük dil modelini təqdim etməyi planlaşdırır - bu, GPT-2-dən bəri ilk belə model olacaq.

Proqram Təminatı
ChatGPT-nin məşhur foto tərtibatı funksiyası hamı üçün istifadəyə verilib
OpenAI-nin böyük dil modeli GPT-4o əsasında işləyən yeni təsvir tərtibatı funksiyası artıq bütün istifadəçilər üçün əlçatandır. Bu barədə OpenAI-nin baş direktoru Sam Altman, X sosial şəbəkəsindəki səhifəsində yazıb.

Tech-Biznes
OpenAI 40 milyard dollar investisiya əldə edib
Növbəti maliyyələşdirmə raundu çərçivəsində OpenAI, SoftBank-ın başçılıq etdiyi investorlar qrupundan 40 milyard dollar investisiya cəlb edib - süni zəka tərtibatçısı 300 milyard dollar dəyərində qiymətləndirilib.

Cihazlar+
Qatlana bilən Google Pixel 10 Pro Fold-un ilk render fotoları təqdim edilib
Google şirkətinin bu ilin ikinci yarısında qatlana bilən Pixel 10 Pro Fold smartfonunu təqdim edəcəyi gözlənilir. İndi isə OnLeaks ləqəbli məşhur insayder Android Headlines saytı ilə birlikdə sözügedən qatlana bilən smartfonun ilk render fotolarını təqdim edib.

Tech-Biznes
Bill Gates, Microsoft-u süni zəka şirkətinə çevirmək istərdi
Microsoft-un həmtəsisçisi Bill Gates proqram təminatı sahəsində 50 illik fəaliyyətdən sonra bu nəhəng şirkətin OpenAI və Google ilə rəqabəti necə aparmalı olduğu barədə fikirlərini bölüşüb.
Ən çox oxunanlar

POCO F7 Pro və F7 Ultra flaqman smartfonları təqdim edilib - QİYMƏTİ
