DeepSeek-in çat-botu bütün dünyada yüklənmə sayına görə birinci yerdədir
Proqram Təminatı
03.02.2025
Emil
Çin startapı DeepSeek-in süni zəka əsaslı çat-botu 140 ölkədə ən çox yüklənən mobil tətbiqlər siyahısında birinci yerə yüksəlib. Bloomberg-in məlumatına əsasən, sözügedən çat-botun ən yüksək yeni istifadəçi faizi Hindistana aiddir. Çindəki kənar tətbiq mağazalarını hesaba almayan Appfigures analitik xidmətinin məlumatlarına əsasən 26 yanvar tarixində AI Assistant, Apple App Store mağazasında birinci yerə yüksəlib və o vaxtdan bəri qlobal liderliyini qoruyur.
Hindistan isə tətbiqin buraxılışından etibarən bütün platformalarda yükləmələrin 15.6%-ni təşkil edib. Sensor Tower araşdırmasına əsasən, AI Assistant tətbiqi həmçinin ABŞ-da Google şirkətinin Play Store mağazasında birinci yeri tutur və bu mövqeyini 28 yanvardan etibarən qoruyur. Sensor Tower şirkətinin məlumatına görə, DeepSeek startapının tətbiqi istifadəyə verildiyi ilk 18 gündə 16 milyon dəfə yüklənilib.
Bu rəqəm, OpenAI şirkətinin ChatGPT tətbiqinin eyni müddətdə əldə etdiyi 9 milyon yükləmədən demək olar ki, iki dəfə çoxdur. Bununla belə, ChatGPT-nin istifadəçi sayı AI Assistant-ın auditoriyasından xeyli üstündür. AI Assistant-ın gələcək inkişafında isə çətinliklər yarana bilər. Belə ki, hökumətlər və şirkətlər onun kibertəhlükəsizliklə bağlı mümkün risklərindən narahatdırlar. Bloomberg News-un keçən həftə yaymış olduğu məlumata əsasən, yüzlərlə şirkət və hökumət DeepSeek-i ehtiyat tədbiri olaraq bloklayıb.
Mənbə: Bloomberg
Paylaş
Bənzər xəbərlər
Süni İntellekt
Microsoft süni zəkanın təsirlərini incələmək üçün yeni şöbə formalaşdırıb
Microsoft şirkəti Advanced Planning Unit (APU) adlı yeni şöbəsinin yaradıldığını elan edib. Bu şöbə Microsoft AI şöbəsinin tərkib hissəsi olacaq və şirkətə süni zəkanın sosial, tibbi və əmək bazarına təsirlərini anlamaqda kömək edəcək.
Süni İntellekt
OpenAI açıq mənbəli koda sahib layihələrə geri dönə bilər
Bir neçə yeni məhsulu təqdim etdikdən sonra OpenAI şirkətinin mühəndisləri və rəhbərliyi, o cümlədən CEO-su Sam Altman, Reddit platformasında bir neçə sualı cavablandırıblar. Şirkət rəhbəri OpenAI şirkətinin açıq mənbəli koda sahib layihələrə yanaşmasını yenidən nəzərdən keçirməyə hazır olduğunu bildirib.
Proqram Təminatı
O3-mini süni zəka modeli ChatGPT-nin bütün istifadəçiləri üçün istifadəyə verilib
OpenAI şirkətinin CEO-su Sam Altman 2 həftə bundan öncə yeni nəsil böyük dil modeli o3 mini-nin məntiq yürütmə qabiliyyətinə malik olacağını və bir neçə həftə ərzində istifadəyə veriləcəyini vəd etmişdi. Və sözünə əməl etdi – OpenAI o3-mini-ni həm ChatGPT-də, həm də API xidmətlərində istifadəyə buraxdı.
Proqram Təminatı
DeepSeek Tayvanın dövlət qurumlarında qadağan edilib
Tayvan, Çinin DeepSeek adlı süni zəkasının istifadəsini qadağan edən daha bir ölkə oldu. Qadağa hökumət qurumlarına və əsas infrastruktur obyektlərinə şamil edilir.
Süni İntellekt
Avropa Birliyi “qəbuledilməz risk” yaradan süni zəka sistemlərini tamamilə qadağan edib
Avropa Birliyi ölkələrində “Süni Zəka Qanunu”nun (AI Act) ilk tələbləri qüvvəyə minib. Bu, süni zəkanın istifadəsini tənzimləyən irimiqyaslı qanundur. Bu qanun 2024-cü ilin mart ayında Avropa Parlamenti tərəfindən təsdiqlənib və cəmiyyət üçün “qəbuledilməz risk” yaradan süni zəka sistemlərini qadağan edir.
Ən çox oxunanlar
Google Pixel 9a-nın reklam fotoları təqdim edilib
