Foto tərtibatı üçün olan Imagen 3 süni sistem bütün Google Gemini istifadəçiləri üçün aktiv olub

     Google şirkəti rəsmi şəkildə elan edib ki, onun foto tərtibatı üçün nəzərdə tutulmuş Imagen 3 adlı süni zəka sistemi bütün Google Gemini istifadəçiləri üçün istifadəyə verilib. Qeyd etmək lazımdır ki, bu süni zəka sistemi daha öncə yalnız ABŞ-da AI Test Kitchen çərçivəsində istifadəçilər üçün aktiv idi. Imagen 3 daha əvvəlki versiyalar ilə müqayisədə daha inandırıcı və keyfiyyətli fotoları tərtib edə bilir. O, ilk dəfə may ayında baş tutmuş Google I/O 2024 konfransı çərçivəsində təqdim olunmuşdu. İstifadəçilər onun vasitəsilə foto tərtib etmək üçün sadəcə olaraq ona fotonun təsvirini mətn formatında göndərməlidirlər.