Ghibli studiyası tərzində təsvirlər OpenAI serverlərini yükləyiblər

     OpenAI-nin baş direktoru Sam Altman bildirib ki, ChatGPT-də yeni təsvir generasiya funksiyasının yüksək məşhurluğu səbəbindən şirkət avadanlığın həddindən artıq yüklənməsi ilə üzləşib. Bu isə yeni məhsul və funksiyaların təqdimatını məhdudlaşdırmağa məcbur edir. Altman-ın sözlərinə görə, OpenAI vəziyyəti nəzarətə almağa çalışır, lakin istifadəçilər ən azı buraxılışlarda gecikmələrə, xidmətlərdə fasilələrə və platformanın işində yavaşlamalara hazır olmalıdırlar. Bununla belə şirkət vəziyyətin nəzarət altında olduğunu bildirir. “Bəzən nələrsə sıradan çıxacaq və xidmət bəzən ləng işləyəcək, çünki biz ötürmə qabiliyyəti ilə bağlı problemlərlə mübarizə aparırıq. Biz hər şeyin işləməsi üçün problemləri operativ şəkildə həll etməyə çalışırıq” - deyə Altman qeyd edib.

     Xatırladaq ki, bir neçə gün bundan öncə istifadəyə verilmiş yeni təsvir generatoru, xüsusilə Studio Ghibli animasiya studiyasının məşhur üslubu da daxil olmaqla müxtəlif üslubları imitasiya etmək bacarığı sayəsində böyük səs-küy yaratdı. Lakin şirkət istifadəçi axını ilə ayaqlaşa bilmir, əməkdaşlar isə sistemi işlək vəziyyətdə saxlamaq üçün gec saatlara qədər və hətta istirahət günlərində işləməyə məcbur qalırlar. Serverlərə düşən yükü azaltmaq məqsədilə OpenAI, ChatGPT-nin pulsuz istifadəçiləri üçün yeni təsvir generatoru funksiyasının istifadəyə verilməsini gecikdirib.

     Həmçinin, Sora vasitəsilə video yaratmaq imkanı da yeni istifadəçilər üçün müvəqqəti olaraq deaktiv edilib. Şirkət server yüklənməsi ilə bağlı problemlərin nə vaxt tam həll olunacağını dəqiq bildirmir və hazırda infrastrukturun təkmilləşdirilməsi üzərində işləməyə davam edir. Bazar ertəsi günü ChatGPT platformasında cəmi 1 saat ərzində bir milyon yeni istifadəçi qeydiyyatdan keçib. Qeyd etmək lazımdır ki, hazırda sistemin 500 milyon həftəlik aktiv istifadəçisi və 20 milyon abunəçisi var - bu göstəricilər 2024-cü ilin sonu ilə müqayisədə xeyli yüksəkdir. Həmin vaxt bu rəqəmlər müvafiq olaraq 300 milyon və 15.5 milyon təşkil edirdi.

Mənbə: Techcrunch

Bənzər xəbərlər

Proqram Təminatı

ChatGPT süni zəka əsaslı ən məşhur çat-bot olaraq qalır

OpenAI-nin süni zəkaya əsaslanan çat-botu ChatGPT hələ də bu tip xidmətlər arasında dünyada ən məşhuru olaraq qalır. Lakin SimilarWeb və Sensor Tower kimi analitik şirkətlərin statistikalarına görə, rəqib platformalar da sürətlə istifadəçi bazasını genişləndirirlər.

Süni İntellekt

OpenAI yaxın zamanda məntiqi düşünməyə sahib açıq mənbəli yeni süni zəka modelini istifadəyə verəcək

Yaxın aylarda OpenAI süni zəkaya əsaslanan açıq mənbəli böyük dil modelini təqdim etməyi planlaşdırır - bu, GPT-2-dən bəri ilk belə model olacaq.

Proqram Təminatı

ChatGPT-nin məşhur foto tərtibatı funksiyası hamı üçün istifadəyə verilib

OpenAI-nin böyük dil modeli GPT-4o əsasında işləyən yeni təsvir tərtibatı funksiyası artıq bütün istifadəçilər üçün əlçatandır. Bu barədə OpenAI-nin baş direktoru Sam Altman, X sosial şəbəkəsindəki səhifəsində yazıb.

Tech-Biznes

OpenAI 40 milyard dollar investisiya əldə edib

Növbəti maliyyələşdirmə raundu çərçivəsində OpenAI, SoftBank-ın başçılıq etdiyi investorlar qrupundan 40 milyard dollar investisiya cəlb edib - süni zəka tərtibatçısı 300 milyard dollar dəyərində qiymətləndirilib.

Proqram Təminatı

ChatGPT-də fotoların dəqiq şəkildə tərtibatı funksiyası istifadəyə verilib

OpenAI ChatGPT-ə birbaşa dəqiq təsvirlər yaratmaq funksiyasını əlavə edib. 4o Image Generation adlanan bu yeni funksiya multimodal GPT-4o böyük dil modelinə əsaslanır. O, konteksti, mürəkkəb təlimatları, obyektlərin qarşılıqlı əlaqəsini başa düşür və hətta artefaktsız mətn yazıları da yarada bilir.