Google axtarış sistemindən özəl məlumatların silinməsi prosesi sadələşdirilib

     Google axtarış sistemində bir sıra dəyişikliklər etdiyini elan edib. İndi istifadəçilər istəmədikləri şəxsi məlumatları axtarış nəticələrindən daha asanlıqla silə biləcəklər. Bunun üçün axtarış nəticəsinin qarşısında yerləşən üç vertikal nöqtəli düyməyə klikləmək lazım gələcək. Bu halda xüsusi bir interfeys açılacaq. İstifadəçi üç seçimdən birini seçərək silmə tələbi göndərə biləcək:

- "Burada mənim şəxsi məlumatlarım əks olunub"

- "Mənim qanuni silmə tələbim var"

- "Məlumat köhnəlib və yenilənməsini istəyirəm".

Seçimlərin izahı:

- "Burada mənim şəxsi məlumatlarım əks olunub": Bu seçim istifadəçilərə şəxsi məlumatlarının, məsələn, telefon nömrəsi, e-poçt ünvanı, ev ünvanı, kredit kartı nömrəsi və hesab məlumatları kimi məlumatların silinməsi üçün müraciət etməyə imkan verir. İstifadəçi tələbi göndərdikdən sonra Google onu nəzərdən keçirəcək və silinib-silinməyəcəyinə qərar verəcək.

- "Mənim qanuni silmə tələbim var": Bu seçim Google-un məhsul siyasətlərini pozan məzmunun silinməsi üçün müraciət etməkdir.

- "Məlumat köhnəlib və yenilənməsini istəyirəm": Bu seçim axtarış nəticələrindəki köhnəlmiş məlumatların daha yenisi ilə əvəz olunmasını təmin edir.

     Bundan əlavə, Google-un "Sizin haqqınızdakı axtarış nəticələri" adlı xüsusi bir funksiyası da var. Bu funksiya istifadəçi haqqında axtarış nəticələrində göstərilən məlumatları, o cümlədən telefon nömrəsi, ünvan və digər şəxsi informasiyanı skan edir. İstifadəçi bu məlumatların silinməsi üçün birbaşa müraciət edə bilər.

Mənbə: Google

Bənzər xəbərlər

Sosial Media

YouTube, videoların ən uyğunsuz anlarında reklamlar sərgiləməyəcək

Google-a məxsus YouTube platforması 12 may tarixindən etibarən videoların ən uyğunsuz anlarında reklam elanlarının sərgilənməsini azaldacağını elan edib.

Proqram Təminatı

Gmail-dəki avtorizasiya prosesində SMS kod üsulu QR kod ilə əvəzlənəcək

SMS kodları artıq uzun müddətdir ən təhlükəsiz autentifikasiya metodu hesab olunmur, buna görə də Google onları tədricən ləğv etməyi planlaşdırır.

Proqram Təminatı

Google hamı üçün pulsuz şəkildə Gemini Code Assist köməkçisini istifadəyə verib

Keçən il Google süni zəkaya əsaslanan Gemini Code Assist adlı kod yazmaya dəstək sistemini elan etmişdi. İndi isə şirkət bu süni zəka köməkçisinin ictimai sınaq versiyasını istifadəyə verdiyini açıqlayıb.

Proqram Təminatı

Samsung Snapdragon prosessorlu smartfonlarında 8 illik Android dəstəyini reallaşdıra bilər

Samsung Android smartfon seqmentində proqram təminatına dəstək səviyyəsini daim yüksəldir. Şirkət Android əməliyyat sistemi üçün 4 əsas yeniləmə vəd edən ilk istehsalçı olub.

Cihazlar+

Google hətta havada belə yazı yazmağa imkan verəcək stilusu patentləşdirib

Google-un yeni patent müraciəti qeyri-adi bir aksesuarı - istənilən səthdə və hətta havada yazmaq üçün nəzərdə tutulmuş stilusu təsvir edir.