Google Gemini statik fotonu 8 saniyəlik səsli videoya çevirmək imkanını əldə edib
Proqram Təminatı
11.07.2025
Emil
Google öz süni zəka əsaslı çat-botu Gemini-ni statik fotoları 8 saniyəlik videolara çevirməyi öyrədib. Bu funksional imkan Veo 3 adlı video modeli əsasında işləyir və videolara fon səsləri, ətraf mühit səsləri və nitq kimi audio müşayiət də əlavə edə bilir. Fotoları videoya çevirmək üçün sadəcə çat-botun alətlər menyusundan “Video” bəndini seçmək və bir şəkil yükləmək kifayətdir. Daha sonra nə görmək və eşitmək istədiyinizi təsvir edən mətn əlavə edə bilərsiniz. Nəticədə isə sizə MP4 formatında, 720p keyfiyyətində və 16:9 nisbətində bir video təqdim olunur. Bütün videolarda görüntülü su nişanı olacaq. Bu, videonun süni zəka tərəfindən yaradıldığını təsdiqləyəcək. Həmçinin SynthID adlı görünməz rəqəmsal su nişanı da əlavə olunacaq. Bu funksiya artıq Google AI Ultra və Pro ödənişli abunəçiləri üçün bəzi ölkələrdə əlçatandır. Bir həftə ərzində isə mobil cihazlarda da istifadəyə veriləcək.
Paylaş
Ən çox oxunanlar
Samsung Galaxy Z Fold 7, Z Flip 7 və Z Flip 7 FE təqdim olunub - QİYMƏTİ
