Google Search-ün axtarış səhifəsinə süni zəka rejimi əlavə ediləcək
Proqram Təminatı
23.12.2024
Emil
Google şirkəti Google Search-ün axtarış səhifəsinə yeni funksiyanın əlavə edilməsini planlaşdırır. Söhbət, süni zəka rejimindən gedir. Bu rejim ənənəvi axtarış nəticələrini təqdim etmək əvəzinə istifadəçiyə süni zəka əsaslı çat-botla dialoq imkanını təklif edəcək. Çat-bot isə öz növbəsində istifadəçinin suallarına cavab verəcək. Məlumata əsasən süni zəka rejimi axtarış nəticələri səhifəsinin yuxarısında “All”, “News”, “Images”, “Videos” və s. seçimlərin əks olunduqları hissədəki menyu vasitəsilə işə düşəcək.
Şirkətin Gemini adlı süni zəka əsaslı köməkçisində olduğu kimi axtarış səhifəsindəki süni zəka da öz cavablarını müvafiq saytlara olan linklərlə birlikdə təqdim edəcək və həmçinin sorğuların qeyd edilməsinə istiqamətlənmiş ikinci yazı sahəsini təklif edəcək. İkinci yazı sahəsində istifadəçi bu və ya digər mövzu ətrafında əlavə suallarını qeyd edə biləcək. “Hal-hazırda bizim müasir süni zəka modellərimiz inkişaf etməkdə davam edirlər və bütün bu yeni funksiyaların axtarışa inteqrasiyası üzrə möhtəşəm şans mövcuddur” - deyə Google qeyd edib. Qeyd etmək lazımdır ki, Google bu cür addımı OpenAI şirkətinin ChatGPT-yə axtarış sistemini inteqrasiya etməsinə cavab olaraq atır. Google axtarış səhifəsində süni zəka rejiminin nə zaman istifadəyə veriləcəyi bilinmir.
Paylaş
Bənzər xəbərlər
Proqram Təminatı
Google Chrome üçün dələduz və hakerlərdən qoruyacaq süni zəka əsaslı funksiya hazırlanıb
Google şirkəti Chrome brauzeri üçün süni zəka əsaslı yeni təhlükəsizlik funksiyası hazırlayıb. Hazırlanmış yeni təhlükəsizlik funksiyası istifadəçilərin şifrə və bank kartı məlumatları da daxil olmaqla konfidensial məlumatlarının oğurlanmasının qarşısını almaq üçün nəzərdə tutulub.
Süni İntellekt
Google məntiq yürüdə bilən süni intellektini təqdim edib!
Google, Gemini 2.0 Flash Thinking-i təqdim edib. Şirkət yeni modeli ilə məntiq yürütmə sahəsində yeni bir dövr başladaraq OpenAI o1-ə meydan oxuyub.
Digər
Bir adam oğurluğu hadisəsinin təfərrüatları Google Maps sayəsində ortaya çıxıb!
Dünyada artıq milyonlarla istifadəçisi olan Google Maps, çox maraqlı bir adam oğurluğu hadisəsi ilə gündəmə gəlib.
Proqram Təminatı
Google Search-də fayllar üzrə axtarış test olunur
Google şirkəti öz axtarış sistemində yeni funksiyanın testinə start verib. Söhbət, Google Search-də fayllar üzrə axtarış funksiyasından gedir.
Proqram Təminatı
Smart eynəklər və AR/VR cihazlar üçün nəzərdə tutulmuş Android XR əməliyyat sistemi təqdim edilib
Google şirkəti Android-in smart eynəklər və VR cihazlar üçün nəzərdə tutulmuş versiyasını təqdim edib. Bu versiya Android XR adlanır.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
