Bu gün maraqla gözlənilən iPhone 16 modellərini rəsmi olaraq bizlərə təqdim edən Apple, iyun ayında əməliyyat sistemlərinin yeni versiyası ilə "Apple Intelligence" adlı süni intellekt xüsusiyyətlərini cihazlarına gətirəcəyini açıqlamışdı. Ancaq vurğulanıb ki, biz bu xüsusiyyətləri hər cihazda görə bilmirik. Bu o deməkdir ki, bütün iPhone sahibləri süni intellekt funksiyalarından istifadə edə bilməyəcək. Yəni süni intellekt xüsusiyyətləri, yalnız müəyyən telefonlara gələcək.

 

 

     Yuxarıda gördüyünüz kimi, yalnız A17 Pro və yuxarı prosessorlu iPhone modelləri, süni intellekt yeniləməsini alacaq. Bu o deməkdir ki, standart və ya Pro-dan asılı olmayaraq, A18 seriyası prosessorları ilə gələn və bu gün təqdim edilən iPhone 16 ailəsinin bütün modellərində Apple Intelligence-dən istifadə etmək mümkün olacaq.

     Apple Intelligence, yaxın həftələrdə çıxış edəcək iOS 18 ilə birbaşa gəlməyəcək. Apple, oktyabr ayında, ehtimal ki, iOS 18.1 ilə süni intellekt xüsusiyyətlərini telefonlara gətirəcək. Ona görə də bir az daha gözləməli olacağıq. Əlbəttə, qeyd etmək lazımdır ki, bütün funksiyalar iOS 18.1 ilə gəlməyəcək. Belə ki, Genmoji, foto yaratma və ChatGPT inteqrasiyasının ilin sonuna qədər əlavə ediləcəyi gözlənilir. Generativ süni intellektlə dəstəklənən Siri, yəqin ki, ilin sonuna qədər bizimlə görüşməyəcək. Son olaraq, Apple, süni intellekt xüsusiyyətlərinin ilk növbədə Amerika ingiliscəsində olacağını bildirib. Bildirilib ki, gələn ildən digər dillərə də dəstək əlavə olunacaq.