iOS 18-də olacaq bəzi yeni funksiyalar açıqlanıb
Proqram Təminatı
16.05.2024
Emil Nəcəfov
Apple şirkəti gələn ay keçiriləcək WWDC 2024 konfransı çərçivəsində iOS 18 əməliyyat sistemini təqdim edəcək. İndi isə şirkət iOS 18-də olacaq bəzi yeni funksiyalardan danışıb. Məlum olub ki, sözügedən əməliyyat sistemi göz hərəkətləri vasitəsilə idarəetmə imkanını, nəqliyyatda iPhone-dan istifadə edən zaman ola biləcək ürək bulantısı effektinin aşağı salınması funksiyasını və bir sıra digər funksiyaları əldə edəcək. Beləliklə iOS 18-də istifadəyə veriləcək əsas yeniliklərdən biri də Eye Tracking funksiyası olacaq. Bu funksiya smartfonu göz hərəkəti vasitəsilə idarə etməyə imkan verəcək. Bunun üçün iOS 18 smartfonun ön kamerasından istifadə edəcək.
Eye Tracking funksiyası çərçivəsində ön kamera istifadəçinin, ekranın hansı hissəsinə baxdığını nəzarətdə saxlayacaq və bunun sayəsində istifadəçi interfeysi daxilində naviqasiyanı təmin edəcək. Bu və ya digər virtual düymənin kliklənməsi və ya hansısa mətnin seçilməsi üçün istifadəçi sadəcə olaraq lazımi elementə baxaraq nəzərini bir neçə saniyəlik saxlamalı olacaq. Bu funksiya fiziki məhdudiyyətli istifadəçilər üçün çox faydalı ola bilər. iOS 18-də istifadəyə veriləcək daha bir yenilik isə Music Haptics adlı funksiya olacaq. Bu funksiya eşitmə əngəlli istifadəçilərin də musiqidən zövq almalarına hədəflənib.
Music Haptics funksiyası smartfonun taktil geri dönüş elementindən istifadə edərək vibrasiyanı musiqinin tempinə uyğun olaraq sinxronlaşdıracaq. Vehicle Motion Cues adlı digər bir funksiya hərəkətdə olan nəqliyyatda iPhone-dan istifadə edən zaman yarana biləcək ürək bulantısı effektinin aşağı salınmasına hədəflənib. Vehicle Motion Cues funksiyasının aktivləşdirilməsindən sonra smartfon ekranında animasiyalı nöqtələr əmələ gələcək və həmin nöqtələr nəqliyyatın hərəkət istiqaməti üzrə hərəkətdə olacaqlar. Apple bildirib ki, bu, beynin sensorlu qarşılıqlı əlaqələrindəki pozulmaları azaldır və nəticədə ürək bulantısı effektini zəiflədir.
Linki kopyala
Bənzər xəbərlər
Oxşar xəbərlər
Apple artıq 7-ci nəsil iPad Air üzərində çalışır
Apple artıq 7-ci nəsil iPad Air üzərində çalışır
Apple keçən həftə M2 prosessoru vasitəsilə çalışan yeni iPad Air planşetini təqdim etmişdi. Macrumors saytının vermiş olduğu məlumata əsasən Apple artıq növbəti nəsil iPad Air üzərində çalışmağa başlayıb.
Yeni nəsil iPad mini nə zaman təqdim ediləcək?
Yeni nəsil iPad mini nə zaman təqdim ediləcək?
Apple şirkəti keçən həftə iPad Air 2024 və iPad Pro 2024 planşetlərini təqdim etdi. Lakin məlumdur ki, şirkət həmçinin yeni nəsil iPad mini planşeti üzərində də çalışır.
Apple iOS 18-də ChatGPT-nin istifadəsi mövzusunda OpenAI ilə razılığa gəlib
Apple iOS 18-də ChatGPT-nin istifadəsi mövzusunda OpenAI ilə razılığa gəlib
Apple şirkəti gələn ay keçiriləcək WWDC 2024 konfransı çərçivəsində süni zəka funksiyalarına sahib iOS 18 əməliyyat sistemini təqdim edəcək.
Apple qatlana bilən cihazı üçün elastiki ekran istehsalçısını seçib
Apple qatlana bilən cihazı üçün elastiki ekran istehsalçısını seçib
Samsung, Huawei, Honor və Xiaomi kimi şirkətlər artıq öz qatlana bilən smartfonlarına sahibdirlər. Lakin Apple kimi dünya şöhrətli şirkət hələ də elastiki ekranlı bir dənə cihaza belə sahib deyil.
Yenilənmiş Siri Apple şirkətinin süni zəka strategiyasının əsas hissəsinə çevriləcək
Yenilənmiş Siri Apple şirkətinin süni zəka strategiyasının əsas hissəsinə çevriləcək
The New York Times-ın təqdim etmiş olduğu hesabatda Apple şirkətinin öz süni zəka texnologiyasına keçid strategiyası haqqında danışılıb.
Həftənin xəbərləri
