iOS 18, iPhone batareyasının sağlamlığı və enerji doldurma parametrləri kimi bir sıra mühüm dəyişiklikləri özündə ehtiva edir. Apple, iPhone 15 istifadəçiləri üçün daha çox şarj limiti parametrlərini əlavə edib, lakin daha da maraqlısı odur ki, telefon yavaş bir şarj cihazı ilə doldurulduqda iOS, istifadəçiyə məlumat verir. iOS 18-də Apple, batareya bölməsinə iPhone-unuzun yavaş şarj cihazı ilə doldurulduğunu bilməyə imkanı verən bir xüsusiyyət əlavə edib. Yavaş şarj vaxtları, batareya ayarlarında son 24 saat və ya son 10 gündəki batareyanın istifadəsini və şarjı göstərən narıncı çubuqla göstərilir.

     İstifadəçilərin bildirdiyinə görə, cihaz 5W-lıq simsiz şarj cihazı ilə şarj etdikdən sonra cihazın yavaş şarj olunduğu barədə bildiriş alıblar. Apple, çox güman ki, iOS 18-in son versiyasını təqdim etdiyi zaman bu dəyişiklik haqqında daha çox məlumatı əks etdirən məqalə dərc edəcək. Hələlik, “Yavaş Şarj Cihazı” mesajını hansı şarj dərəcəsinin işə saldığı bəlli deyil.