iOS 19-da Camera tətbiqini irimiqyaslı redizayn gözləyir (VİDEO)
Proqram Təminatı
21.01.2025
Emil
Apple şirkəti iOS 19-u bu ilin iyun ayında baş tutacaq WWDC 2025 konfransı çərçivəsində təqdim etməlidir. İndi isə internetdə iOS 19-dakı Camera tətbiqində reallaşdırılacaq böyük yenilənmə barəsində məlumat ortaya çıxıb. Belə ki, YouTube bloger Jon Prosser bildirib ki, iOS 19-dakı Camera tətbiqinin redizaynı özündə visionOS əməliyyat sisteminin estetikasını birləşdirəcək. Prosser bildirib ki, o, yenilənmiş Camera tətbiqinin necə çalışdığını görüb. Lakin bloger yenilənmiş tətbiqin necə göründüyünü əks etdirən videonu sərgiləyə bilmədiyi üçün onun istifadəçi interfeysini sıfırdan fərdi şəkildə hazırlayıb.
Hazırlanmış versiya yenilənmiş Camera tətbiqinin iOS 19-da necə görünə biləcəyini əks etdirir. Videodan da görmək olar ki, Apple yenilənmiş Camera tətbiqinin interfeysini sadələşdirmək niyyətindədir. Ekranın aşağı hissəsi iki bölməyə ayrılacaq. Photo və Video. Bu bölmələrdən hər birində müxtəlif çəkiliş rejimlərindən birini seçmək və digər çəkiliş parametrlərini ayarlamaq mümkün olacaq. Ekranın yuxarı hissəsində Live Photos üçün sürətli ayarlar aktiv olacaq. Fotolardan təşkil edilmiş kitabxanaya keçid üçün nəzərdə tutulmuş ayrıca düymə olduğu kimi qalacaq. Sözügedən yeni redizaynın əsas üstünlüyü çəkiliş üçün böyük ekranın təqdim edilməsidir. Nəticədə istifadəçi əsas diqqətini kənar elementlərə deyil, çəkiliş prosesinə yönəldə biləcək.
Paylaş
Bənzər xəbərlər
Cihazlar+
iPhone 17 Air-in hansı dərəcədə nazik gövdəyə sahib olacağı sərgilənib
Son aylar ərzində ortada gəzən məlumatlara əsasən Apple şirkətinin bu ilin ikinci yarısında təqdim edəcəyi iPhone 17 seriyasına iPhone 17 Air adlı nazik gövdəli model daxil olacaq.
Cihazlar+
Apple iPhone-da Face ID-nin ekranın alt hissəsinə yerləşdirilmə üsulunu tapıb
Apple tərəfindən son zamanlarda əldə edilmilş bir neçə patentə əsasən şirkət iPhone ekranlarındakı Dynamic Island çıxıntısının ölçüsünü maksimal dərəcədə kiçiltmək istəyir.
Cihazlar+
Növbəti iPhone SE-nin maketlərinin fotoları təqdim edilib
Artıq bir neçə aydır ki, mütəmadi şəkildə növbəti iPhone SE barəsində müxtəlif məlumatlar ortaya çıxır. Bu smartfonun bu ilin birinci yarısında təqdim olunacağı gözlənilir.
Cihazlar+
iPhone 17 Air və Galaxy S25 Slim kiçik həcmli batareyaya sahib ola bilərlər
Samsung-un 22 yanvar tarixində təqdim edəcəyi Galaxy S25 smartfon seriyasına nazik gövdəli Galaxy S25 Slim modeli daxil olacaq. Üstəlik son məlumat sızıntılarına əsasən Apple şirkəti də bu ilin ikinci yarısında öz nazik gövdəli smartfonunu təqdim edəcək.
Cihazlar+
iPad Air 2025 planşetinin hansı prosessoru əldə edə biləcəyi açıqlanıb
Apple şirkəti bu il ərzində növbəti iPad Air planşetini təqdim etməlidir. Bloomberg saytının məşhur insayderi Mark Gurman öz növbəsində növbəti iPad Air planşeti barəsində təfərrüatları təqdim edib.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
