iOS 18 ilə "Photos" tətbiqinə gələcən bu süni intellekt dəstəkli xüsusiyyət, "Clean Up" adlanır. Bu xüsusiyyət sayəsində istifadəçilər, süni intellektin köməyi ilə fotolardan istədikləri obyekti silə bilərlər.

     Son zamanlar Android telefonlarında belə xüsusiyyətləri tez-tez görürük. Məsələn, Google, bu ilin əvvəlində "Magic Eraser" adlı oxşar xüsusiyyəti pulsuz təklif etməyə başlamışdı. İndi isə iPhone istifadəçiləri, nəhayət bu xüsusiyyətdən istifadə edə biləcəklər.

     Bu funksiyanın istifadəsi isə olduqca asandır. Belə ki, istər “ağıllı aşkarlama” sistemi ilə silmək istədiyiniz obyekti bir toxunuşla seçə və ya istərsə də, fırçadan istifadə edərək hər hansı bölməni seçib, silə bilərsiniz. Hətta süni intellekt vasitəsilə kiminsə üzünü senzura etmək də mümkündür.

     Xüsusiyyət, fotoşəkilin qalan hissəsinə təsir etmədən obyektləri tanıya və silə bilər. Çıxarılan hissə süni intellektin köməyi ilə doldurulur. Bunu sınayan istifadəçilərin paylaşımlarından görə bilərik ki, süni intellekt, şəkillərin dəyişdirildiyini hiss etdirməyəcək dərəcədə obyektlərin silinməsini uğurla icra edə bilir.