Tarixin ən böyük iPhone yeniləmələrindən biri olacağı gözlənilən iOS 18-in təqdimatına çox az vaxt qalıb. Apple şirkəti 10 iyunda keçiriləcək WWDC 2024 tərtibatçı konfransında öz əməliyyat sisteminin yeni versiyasını təqdim edəcək. Təqdimat zamanı əsas diqqət generativ süni intellektin üzərində olsa da, digər yeniliklərlə də bağlı məlumatların veriləcəyi bildirilir.

     Yuxarıdakı şəkildə göstərilən emojilərin iOS 18 yeniləməsilə gəlməsi gözlənilir. Yeni əməliyyat sistemi ilə birlikdə yorğun görünən üz, barmaq izi, yarpaqsız ağac, turp bitkisi, musiqi aləti olan arfa, qazıntı aləti olan bel və slime-ə bənzər 7 fərqli emojinin gələ biləcəyi ehtimal edilir. Emojilər, Apple-ın da istifadə etdiyi Unicode Consortium-un emoji kataloqunu yenilədikdən sonra ortaya çıxıb. Hazırda beta mərhələsində olan və yeni emojiləri ehtiva edən Unicode 16, iyulun 2-də rəsmi olaraq debüt edəcək. Əgər yeni emojilər təqdimat zamanı nümayiş etdirilərsə, bu emojilərin iPhone-lara gələcəyinə bir daha əmin ola bilərik. Təbii ki, bu emojiləri təkcə iOS-a deyil, digər cihazlara da gələ bilər. Şirkətlərin bu emojiləri özlərinə uyğunlaşdırması adətən bir neçə ay çəkə bilər. Buna görə də, iOS 18 ilk dəfə (payızda) təqdim olunan zaman Apple, yeni emojilərini birbaşa istifadəyə verməyə bilər. Buna görə də yeni emojilərin 2024-cü ilin sonu və ya 2025-ci ilin əvvəlində iOS 18 yeniləməsi ilə gəlməsi gözlənilir.