Midjourney neyron şəbəkəsinin 6-cı versiyası istifadəyə verilib

     Mətn formatında təsvirlər əsasında fotoların tərtibatını reallaşdıran Midjourney neyron şəbəkəsinin 5-ci versiyası tərəfindən yaradılan fotolar bu ilin əvvəlində hamını heyrətləndirirdi. İndi isə sözügedən neyron şəbəkəsinin 6-cı versiyası istifadəyə verilib və o, reallığa daha çox bənzəyən fotoları tərtib edə bilir. Midjourney v6 hələ test versiyasında istifadəyə verilib. Lakin onun sərgilədiyi nəticələr artıq indidən diqqəti cəlb edirlər.

     Neyron şəbəkəsinin yeni versiyası tərtib etdiyi fotolara daha çox detalın əlavə edilməsi hesabına yekun nəticələri daha realistik hala salır. Onu da qeyd etmək lazımdır ki, Midjourney v6 təbii insan nitqini daha dəqiq şəkildə anlamağı öyrənib. Məlumata əsasən Midjourney v6 fotoları 2048х2048 piksel keyfiyyətində tərtib edir. Bu isə Midjourney v5-in göstəricisindən 2 dəfə yüksəkdir. Neyron şəbəkəsinin yeni versiyasında reallaşdırılmış əsas yeniliklərdən biri də 3D modellərin tərtib edilməsidir. Bu isə öz növbəsində istifadəçilər üçün yeni imkanlar açır.