OpenAI hamıya süni zəka agentlərini yaratmaq imkanını verəcək

     OpenAI şirkəti tərtibatçılar üçün süni zəka agentlərinin yaradılmasını asanlaşdıran yeni bir alət təqdim edib. Əsas yenilik burada Responses API adlı yeni interfeysdir. Bu interfeys internetdə axtarış, faylların analizi və istifadəçi adından kompüterdə tapşırıqların icrası kimi rutin proseslərin avtomatlaşdırılması üçün hazır həllər şəklində bloklardan ibarətdir. OpenAI-nin API platformasının rəhbəri Olivier Godement bildirib ki, şirkət süni zəka agentlərinin böyük potensiala malik olduğunu düşünür. Onun sözlərinə görə, OpenAI "Deep Research" və "Operator" kimi öz agentlərini inkişaf etdirməyə hazırdır, lakin müasir dünyanın mürəkkəbliyi və texnologiyaların müxtəlifliyi nəzərə alınaraq, tərtibatçılara öz unikal tapşırıqları üçün süni zəka agentləri yaratmaq imkanı verən bazaya sahib alətlər təqdim etmək istəyir.

     Responses API ChatGPT ilə eyni süni zəka modelindən istifadə edən axtarış aləti ilə təchiz olunub. GPT-4o və GPT-4o mini bazasında işləyən bu alət mənbələri göstərməklə internetdən aktual məlumatları əldə etməyə və Operator modeli vasitəsilə kompüterdə tapşırıqları yerinə yetirməyə imkan verir. Bundan əlavə, fayllar üzrə axtarış funksiyası müxtəlif məqsədlər üçün istifadə oluna bilər. Məsələn, şirkətlərdə müştəri dəstəyinin avtomatlaşdırılması və ya hüquqi sənədlərin analiz edilməsi üçün yararlıdır. OpenAI eyni zamanda Agents SDK adlı yeni bir alət təqdim edib. Bu, süni zəka agentlərinin işini idarə etmək üçün nəzərdə tutulmuşdur.

     OpenAI-nin məhsul meneceri Nikunj Handa bildirib ki, Responses API ayrıca tapşırıqları yerinə yetirir, Agents SDK isə bir neçə agentin işini koordinasiya edərək daha mürəkkəb problemləri birlikdə həll etməyə imkan yaradır. Şirkətin fikrincə, bu yanaşma agentlərin idarə edilməsini asanlaşdıracaq və onların effektivliyini artıracaq. Bundan əlavə, yenilik OpenAI-nin artıq mövcud həllərini tamamlayacaq, o cümlədən istifadəçi sorğularına cavab vermək üçün nəzərdə tutulmuş Chat Completions API-ni. Bunu da qeyd edək ki, şirkət 2026-cı ilin ortalarına qədər mövcud Assistants API-ni tədricən ləğv edərək, onu yeni Responses API sistemi ilə əvəz etməyi planlaşdırır.

Mənbə: The Verge

Bənzər xəbərlər

Süni İntellekt

OpenAI bədii mətnlər tərtib edə bilən süni zəka modelini yaradıb

OpenAI şirkəti yeni süni zəka modelini anons edib. Şirkətin baş direktoru Sam Altman-ın sözlərinə görə, bu model peşəkar yazıçılardan geri qalmayan təsirli bədii əsərlər yarada bilir.

Proqram Təminatı

ChatGPT 6 aydan az müddətdə həftəlik istifadəçi kütləsini 2 dəfə böyüdüb

OpenAI-nin ChatGPT xidməti keçən ilin ikinci yarısında sabit şəkildə böyüməyə qayıtdı. Bu barədə Andreessen Horowitz vençur fondunun son hesabatında qeyd edilib.

Süni İntellekt

OpenAI yüksək qiymətə elmlər namizədi səviyyəsində süni zəka agentlərini istifadəyə verməyə hazırlaşır

OpenAI yeni süni zəka agentləri seriyasını təqdim etməyə hazırlaşır və bu xidmətlərə giriş üçün aylıq abunə haqqı 2000-20 000$ arasında dəyişəcək.

Süni İntellekt

OpenAI aparıcı institutlar ilə birlikdə NextGenAI konsorsiumunu işə salıb

OpenAI NextGenAI adlı yeni konsorsiumun yaradıldığını elan edib. Bu konsorsiumda ABŞ və Böyük Britaniyanın 15 aparıcı universiteti və tədqiqat institutu iştirak edəcək.

Tech-Biznes

Məhkəmə Elon Musk-ın OpenAI ilə bağlı tələbini rədd edib

Keçən ildən bəri Elon Musk, OpenAI-nin kommersiya fəaliyyətinə keçməsinə və maliyyə resurslarını daha asan cəlb etməsinə imkan verəcək restrukturizasiyasının qarşısını almaq üçün məhkəmə yolu ilə mübarizə aparır.