OpenAI-nin Deep Research funksiyası ChatGPT-nin bütün tarif planlarında istifadəyə verilib

     OpenAI şirkəti bu ayın əvvəlində Deep Research adlı yeni süni zəka funksiyasını təqdim etmişdi. Bu, ChatGPT və internet axtarışından istifadə edərək məlumatların kompleks şəkildə toplanması və analizini həyata keçirən süni zəka agentidir. İndi Deep Research ChatGPT-nin bütün ödənişli tarif planlarında istifadəçilər üçün əlçatan olub. Deep Research adi qısa cavablar vermək əvəzinə fərqli mənbələrdən geniş və strukturlaşdırılmış məlumat təqdim edir, bütün mənbələrə istinadlar və məntiqi izahlar əlavə edir. Məlumatın toplanması və sistemləşdirilməsi 5-30 dəqiqə çəkə bilər.

     Bu funksiya OpenAI-nin xüsusi hazırlanmış o3 adlı məntiq yürüdə bilən süni zəka modeli üzərində qurulub. Model gücləndirilmiş təlimatlandırma üsulu vasitəsilə təlimatlandırılıb. İnternet axtarışı ilə inteqrasiya olunaraq daha dəqiq və dərin analizlər təqdim edə bilir. ChatGPT Plus, Team, Enterprise və Edu tarif planlarının abunəçiləri hər ay 10 tədqiqat sorğusu göndərə bilərlər. Əvvəllər OpenAI-nin Deep Research xidməti yalnız ChatGPT Pro istifadəçiləri üçün mövcud idi. Bu abunəlik tarifi ayda 200$ başa gəlirdi. İlk buraxılış zamanı Pro istifadəçiləri ayda 100 sorğu göndərə bilirdi, indi bu limit 120-yə yüksəldilib.

     OpenAI-nin rəqibləri artıq oxşar veb-axtarış araşdırma alətləri təqdim ediblər. Google və Perplexity eyni adlı "Deep Research" xidmətlərini istifadəyə veriblər. Bu sistemlər uzun və ətraflı hesabatlar yaradır və daha geniş istifadəçi auditoriyası üçün əlçatandır. Keçən həftə Google öz tədqiqat süni zəka agenti Gemini Advanced-i istifadəçiləri üçün açıq elan etdi. Bu xidmətin aylıq abunəsi 19.99$-dır. Bu məbləğ ChatGPT Plus abunə haqqı ilə eynidir. Texnologiya şirkətləri hesab edirlər ki, dərin araşdırma alətləri istifadəçiləri bahalı süni zəka abunə paketlərini almağa həvəsləndirəcək. Bununla yanaşı, OpenAI artıq Deep Research-ün cəmiyyət üçün potensial təhlükələrini araşdırmağa başlayıb. Xüsusilə, bu alətin dezinformasiyanın yayılmasında necə sui-istifadə edilə biləcəyini öyrənmək istəyirlər.

Mənbə: Techcrunch

Bənzər xəbərlər

Süni İntellekt

İnsanlar tibbi məsləhət ilə bağlı daha çox ChatGPT-yə müraciət etməyə başlayıblar

Təqdim olunmuş yeni məlumatlara görə, yalnız 2025-ci ilin yanvar ayında ChatGPT-nin 400 milyon unikal istifadəçisi olub. Bəzi insanlar süni zəkanın imkanlarından hər gün istifadə edirlər.

Süni İntellekt

GPT-4.5 və GPT-5-in nə zaman istifadəyə veriləcəyi qeyri-rəsmi şəkildə açıqlanıb

The Verge saytı sahə mütəxəssislərinə istinad edərək, OpenAI tərəfindən hazırlanan GPT-4.5 və GPT-5 süni zəka modellərinin ehtimal olunan təqdimat tarixi haqqında məlumat yayıb.

Süni İntellekt

OpenAI CEO-su Sam Altman süni zəka sahəsinə 5 trilyon dollar sərf etməyi planlaşdırır

OpenAI hələ geniş şəkildə reklam edilən “Stargate” layihəsi üçün 500 milyard dollar belə cəlb etməyib. Lakin şirkətin rəhbəri Sam Altman artıq gələcəkdə nə qədər vəsait xərcləyəcəyini düşünməyə başlayıb.

Tech-Biznes

OpenAI şirkət strukturunda qorunma mexanizmi üzərində çalışır

Daha çox investor cəlb etmək istəyən OpenAI strukturunu dəyişməyə məcbur olur, çünki hazırda şirkətin rəhbərliyində qeyri-kommersiya qurumu dayanır.

Tech-Biznes

OpenAI idarə heyəti şirkətin Elon Musk-a satılması təklifini rədd edib

Elon Musk-ın investor konsorsiumunun dəstəyi ilə OpenAI şirkətini 97.4 milyard dollara almaq cəhdi ilə bağlı vəziyyət keçən həftənin sonuna doğru yeni detallarla zənginləşməyə davam etdi.