Samsung Galaxy F34 üçün Android 14 əsaslı OneUI 6.0-ın stabil versiyası istifadəyə verilib

12.12.2023

Samsung şirkəti öz smartfonlarında Android 14-ü istifadəyə verməyə davam edir. Bu dəfə növbə Galaxy F seriyasının smartfonuna çatıb. Söhbət, Galaxy F34-dən gedir. Belə ki, sözügedən smartfon Android 14 əsaslı OneUI 6.0 istifadəçi interfeysinin stabil versiyasını əldə edib. Sistem yenilənməsi E346BXXUBWL1 nömrəsi altında təqdim edilib və ilk öncə Galaxy F34-ün Hindistandakı istifadəçiləri üçün aktivləşdirilib. Yaxın zamanda OneUI 6.0-ın stabil versiyası bu smartfonun həmçinin digər ölkələrdəki istifadəçilərinə də təqdim ediləcək.

Paylaş