Samsung Galaxy S25 smartfonları mobil oyunlarda kadr tezliyinin 120 fps-ə yüksəldilməsi funksiyasını əldə edəcəklər

     Samsung şirkəti gələn ilin əvvəlində Galaxy S25 smartfonlarını təqdim edəcək. İnsayderlərin vermiş olduqları məlumata əsasən sözügedən smartfonlar Qualcomm-un xüsusi texnologiyasının dəstəyini əldə edəcəklər. Söhbət, mobil oyunlarda fps göstəricisinin 60-dan iki dəfə yuxarı yüksəldilməsi texnologiyasından gedir. Bu texnologiya Qualcomm Adreno Frame Motion Engine 2.0 (AFME) adlanır. O ilk dəfə 2021-ci ildə təqdim edilib. Buna bənzər digər texnologiyalardan fərqli olaraq AFME-nin əsas özəlliyi ondadır ki, o, ayrıca çipin istifadəsinə deyil, GPU-nun imkanlarına əsaslanır. İnsayderlər bildiriblər ki, bu yenilik OneUI 7.0 istifadəçi interfeysi çərçivəsində istifadəyə veriləcək xüsusi oyun rejiminin tərkibində olacaq. Gözləntilərə əsasən AFME-nin istifadəsi mobil oyunlarda fps göstəricisinin yüksəldilməsi ilə yanaşı smartfonun texniki imkanlarına olan yüklənməni də aşağı salacaq.