Samsung-un Emergency SOS (versiya 15.5.00.14), Samsung Messages (versiya 15.5.10.39) və Telefon proqramında (versiya 15.2.80) tapılan kodlar tezliklə peyk qoşulma dəstəyinə işarə edir. Məsələn, Emergency SOS proqramından istifadə etməklə istifadəçilər peyk vasitəsilə təcili mesaj göndərə biləcəklər. Tətbiqin təsvirində deyilir: "Siz əhatə dairəsindən kənarda olduğunuzda və ya mobil şəbəkəyə qoşulmadığınız zaman təcili xidmətlərə zəng etsəniz, təcili mesaj göndərə bilməniz üçün sizi peyk vasitəsilə birləşdirəcəyik". Telefon proqramındakı kodda, istifadəçilərin peyk rejimində mətn mesajları göndərib, qəbul edə biləcəkləri və yaxınlıqda mobil şəbəkə varsa, təcili zəngləri qəbul edə biləcəkləri qeyd edilir.

     Maraqlıdır ki, Samsung Messages, ilkin olaraq peyk vasitəsilə mesajların göndərilməsini və qəbulunu dəstəkləməyəcək. Bunun üçün isə istifadəçilərin Google Messages tətbiqindən istifadə etməkləri lazım olacaq. Bəzi məlumatlarda Samsung-un qısa səsli mesajlar göndərməyə də icazə verəcəyi, bununla da istifadəçilərə ikitərəfli ünsiyyət imkanı veriləcəyi bildirilir. Proqnozlaşdırıldığı kimi, peyk rabitəsi əvvəlcə bir neçə flaqman modeli ilə məhdudlaşacaq.