Samsung öz smartfonlarında avtronom çalışma müddətini süni zəka vasitəsilə yüksəldəcək
Proqram Təminatı
06.05.2024
Farid
Son məlumatlara əsasən Samsung şirkəti Galaxy AI adlı süni zəka ekosisteminə daxil olan funksiyaların yenilənməsi və bu ekosistemə daxil olacaq tamamilə yeni funksiyalar üzərində çalışır. İnsayderlərin vermiş olduqları məlumata əsasən Galaxy AI çərçivəsində istifadəyə veriləcək yeni funksiyalardan biri smartfonun avtonom şəkildə çalışma müddətinin optimizasiyası ola bilər. İnsayderlər bu funksiyanın necə çalışa biləcəyi barəsində məlumat da veriblər. Onların sözlərinə əsasən sözügedən funksiya Battery AI adını əldə edə bilər.
Məlumata əsasən bu yeni funksiya smartfonun bir dəfə şarj olunandan sonra onun performansını aşağı salmadan çalışma müddətini 5-10% yüksəldə bilər. Bunun üçün funksiya fon rejimində smartfonun resurslarını sərf edən lazımsız əməliyyatları deaktiv edəcək. Qeyd etmək lazımdır ki, smartfonların çalışma müddətlərini bu şəkildə optimizasiya edən sistem tətbiqləri çoxdan mövcuddur və onlar şirkətlər tərəfindən öz istifadəçi interfeyslərində istifadə edilir.
Lakin bu cür tətbiqlər çox zaman mərkəzi və qrafik prosessorun çalışma tezliklərini aşağı salaraq smartfonun ümumi performansını da aşağı salırlar. Gözləntilərə əsasən Samsung-un Galaxy AI çərçivəsində istifadəyə verəcəyi Battery AI funksiyası cihazın istifadə formatını analiz edəcək və istifadəçiyə real zaman ərzində lazım olmayan fon əməliyyatlarını dayandıracaq. Battery AI funksiyasının OneUI 7 istifadəçi interfeysi tərkibində istifadəyə verilib-verilməyəcəyi bilinmir.
Paylaş
Bənzər xəbərlər
Digər
Samsung, bəzi iPhone-ların zəngli saatı işləmədiyi üçün Apple-i ələ salmağa başlayıb!
Ötən günlərdə bəzi iPhone modellərinin iOS 17 yeniləməsindən sonra zəngli saatının işləmədiyi xəbərini sizlərlə bölüşmüşdük. Görünən odur ki, Samsung bu xəbəri eşidər-eşitməz Apple-i ələ salmağa başlayıb.
Proqram Təminatı
OneUI 6.1 istifadəçi interfeysi Samsung Galaxy S21, S22, Galaxy Z Fold 3 və Z Flip 3 smartfonları üçün istifadəyə verilib
Samsung şirkəti mart ayında Galaxy S23 smartfonları və qatlana bilən Galaxy Z Fold 5 ilə Z Flip 5 smartfonları üçün OneUI 6.1 istifadəçi interfeysini istifadəyə vermişdi.
Cihazlar+
Samsung Galaxy F55-in Çində satılan Galaxy C55 5G-nin qlobal versiyası olacağı təsdiqlənib
Artıq məlumdur ki, Samsung şirkəti Galaxy F55 smartfonunun təqdimatına hazırlaşır.
Cihazlar+
Samsung Galaxy S25 Ultra-nın əsas arxa kamerası dəyişilməz olaraq qala bilər
Gələn ilin əvvəlində Samsung Galaxy S25 Ultra smartfonunun təqdimatı gözlənilir. Yeni məlumata əsasən sözügedən smartfonun əsas arxa kamerası heç bir dəyişikliyə məruz qalmayacaq.
Cihazlar+
Təqdimata hazırlaşan Samsung Galaxy F55 smartfonu Geekbench testlərindən keçib
Samsung şirkəti Galaxy F seriyasının yeni smartfonunu təqdim etməyə hazırlaşır. Söhbət, Galaxy F55-dən gedir.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
