Süni zəka vasitəsilə filmlərin yaradılması üçün Google Flow redaktoru təqdim edilib (VİDEO)
Proqram Təminatı
21.05.2025
Emil
Google şirkəti Google I/O 2025 çərçivəsində tərtibatçılar konfransında Flow adlı yeni süni zəka əsaslı video alətini təqdim edib. Şirkətin bildirdiyinə görə, bu alət 3 əsas süni zəka modelindən istifadə edir: Video generasiyası üçün Veo, foto generasiyası üçün Imagen və mətn və sorğular üçün Gemini. Flow, digər oxşar alətlərin izindən gedərək istifadəçilərə personajlar və ya səhnələr əlavə etməyə və ya bu elementləri alətin daxilində yaratmağa imkan verir. Məsələn, Google ötən il Google Labs çərçivəsində VideoFX adlı video yaradıcısı alətini istifadəyə vermişdi. Lakin Flow daha geniş istifadəçi kütləsinə çatmaq potensialına malikdir. Yeni alət əlavə olaraq bu funksiyaları da təqdim edir:
- Kamera nəzarəti - səhnədə kamera bucağını və ya görünüşü dəyişdirmək imkanı;
- Səhnə redaktoru - kadrları düzəltmək, genişləndirmək və səhnənin axışını yönləndirmək;
- Resurs idarəetmə alətləri - istifadə olunan materialları təşkil etmək və idarə etmək üçün imkanlar.
Bundan əlavə, Google Flow TV adlı yeni bir platformanı istifadəyə verir. Burada xüsusi seçilmiş video fraqmentləri və məzmun axını təqdim olunur və digər istifadəçilər bu videoların arxasında duran dəqiq sorğuları görə bilirlər. Bu, onların yaradıcı yanaşmalarını başa düşməyə imkan verir. Moonvalley, D-ID, Cheehoo və Hedra kimi startaplar da oxşar sahədə video yaradıcı alətlər üzərində işləyirlər ki, insanlar süni zəka yaradılmış filmlər hazırlamaq üçün bu vasitələrdən istifadə edə bilsinlər.
Google-un modelləri bu alətlərin bir çoxunda istifadə olunsa da, Flow aləti göstərir ki, Google süni zəka ilə video generasiya prosesində yalnız model təminatçısı kimi yox, tətbiq səviyyəsində də birbaşa iştirak etmək niyyətindədir. Flow ilkin mərhələdə yalnız ABŞ istifadəçiləri üçün, Google AI Pro və yeni təqdim olunmuş Google AI Ultra abunə planları çərçivəsində əlçatan olacaq. Pro istifadəçiləri ayda 100 video generasiyası əldə edəcəklər. Ultra istifadəçiləri isə hələ dəqiqləşdirilməmiş, lakin daha yüksək limitlə təmin olunacaq və eyni zamanda Google-un ən son video modellərinə çıxış əldə edəcəklər.
Mənbə: Techcrunch
Paylaş
Ən çox oxunanlar
Enerjinin naqilsiz şəkildə ötürülməsində yeni rekorda imza atılıb
