main-post-cover

    WhatsApp-da video göndərmək xətası ortaya çıxıb!

    Proqram Təminatı
    29.04.2024
    Chinara Pardashunas

         WhatsApp-ın Android versiyasında qəribə xəta baş verib. Bəzi telefonlardan WhatsApp vasitəsilə video göndərmək mümkün olmur. WhatsApp tərəfindən isə məsələ ilə bağlı heç bir açıqlama verilməyib.

         Sosial mediada yayılan problem Android ekosisteminin stabil və beta versiyalarına təsir edir. Belə ki, bu xətadan təsirlənən telefonlarda video göndərməyə çalışan istifadəçilər "Bu video göndərilə bilməz. Fərqli video seçin və yenidən cəhd edin" xəbərdarlığı ilə qarşılaşır. Səhvin mənbəyi və necə düzəldiləcəyi isə hələ ki, məlum deyil.
         Əldə edilən məlumata görə, WhatsApp-dakı xəta bütün Android əsaslı smartfon markalarında özünü göstərmir. Məsələn, Xiaomi 14 UltraGoogle Pixel 8 Pro kimi cihazlarla aparılan sınaqlarda video problemlərinin olduğu ortaya çıxıb. Digər tərəfdən, bildirilir ki, Samsung Galaxy S seriyasındakı bəzi telefonlar da oxşar problemlə üzləşir.
         Xüsusilə WhatsApp-ın "v2.24.9.34" kodlu versiyasında istifadəçilərə təsir edən xəta ilə bağlı edə biləcəyiniz yeganə şey WhatsApp-ın köhnə versiyasını quraşdırmaqdır. Problem yaşayan və köhnə versiyaya keçən istifadəçilər bu problemin həll olunduğunu bildirirlər. Ancaq unutmayın ki, WhatsApp-ı üçüncü tərəf mənbələrindən yükləmək o qədər də təhlükəsiz deyil. Video göndərmə ilə bağlı probleminiz varsa, edə biləcəyiniz ən yaxşı şey növbəti yeniləməni gözləməkdir.
    Linki kopyala

    Bənzər xəbərlər

    Oxşar xəbərlər
    WhatsApp-ın iOS versiyasında biometrik üsul ilə giriş funksiyası istifadəyə verilib
    whatsapp-in-ios-versiyasinda-biometrik-usul-ile-giris-funksiyasi-istifadeye-verilib
    WhatsApp yeni zəng funksiyasını əldə edəcək
    whatsapp-yeni-zeng-funksiyasini-elde-edecek
    WhatsApp-da AirDrop analoqu istifadəyə veriləcək
    whatsapp-da-airdrop-analoqu-istifadeye-verilecek
    WhatsApp-ın statuslar bölməsinə iki yeni funksiya əlavə olunacaq
    whatsapp-in-statuslar-bolmesine-iki-yeni-funksiya-elave-olunacaq
    WhatsApp-a çat filtrləri əlavə edilib
    whatsapp-a-cat-filtrleri-elave-edilib