main-post-cover

    Windows 11 istifadəçinin kompüterdəki bütün əməliyyatlarını yaza biləcək

    Proqram Təminatı
    16.05.2024
    Farid Pardashunas
         İnsayderlər Windows 11-in 26212 nömrəli test versiyasında süni zəka əsaslı yeni funksiyanı aşkar ediblər. Aşkar edilmiş yeni funksiya əməliyyat sisteminin ayarlarındakı Privacy & security bölməsində yerləşir. Funksiya əməliyyat sistemi ilə çalışmada rahatlığı təmin etmək üçün nəzərdə tutulsa da, özəl məlumatların konfidensiallıqları mövzusunda suallar yaradır. Süni zəka əsaslı yeni funksiya Recall and snapshots adlanır. O, istifadəçinin kompüterdə reallaşdırdığı bütün əməliyyatların yazılması üçün nəzərdə tutulub.
         İstifadəçi sözügedən funksiya sayəsində kompüterdən istifadə mövzusunda bu və ya digər zaman anına qayıdaraq onu maraqlandıran məlumatı və ya faylı tapa biləcək. Məsələn istifadəçi bu funksiya sayəsində bu və ya digər tətbiqin nə zaman işə salındığını və ya hansısa qovluğa yerləşdirmiş olduğu faylın yerini öyrənə biləcək. Məlumatda qeyd edilib ki, Recall and snapshots funksiyası vasitəsilə əməliyyatların yazılması prosesi həmçinin kompüter ekranının screenshot fotolarının avtomatik çəkilməsi ilə də müşayiət ediləcək.
         Bu funksiya çərçivəsində təbii dil vasitəsilə axtarış sistemi də reallaşdırılacaq. Bunun sayəsində istifadəçi məsələn bir neçə gün öncə oxumuş olduğu məqaləni axtarıb tapa bilər. Bunu etmək üçün istifadəçi sadəcə olaraq axtarış sistemində bunu təbii yazı dili şəklində qeyd etməli olacaq. Axtarış prosesində isə birbaşa süni zəka iştirak edəcək. Təhlükəsizliyin təmin olunması məqsədilə bu funksiya sayəsində yazılan heç bir məlumat bulud serverə ötürülməyəcək.
     
    Linki kopyala

    Bənzər xəbərlər

    Oxşar xəbərlər
    Microsoft, Windows 10-dakı cansıxıcı problemi həll edə bilmədiyini qəbul edib!
    microsoft-windows-10-daki-cansixici-problemi-hell-ede-bilmediyini-qebul-edib
    Windows 11-in bazar payı ikinci aydır ki, aşağı düşür
    windows-11-in-bazar-payi-ikinci-aydir-ki-asagi-dusur
    Windows 11 faylların arxivləşdirilməsi funksiyasını əldə edəcək
    windows-11-fayllarin-arxivlesdirilmesi-funksiyasini-elde-edecek
    Windows 11-in xaricini görünüşünü ayarlamağa imkan verən tətbiqlər Microsoft tərəfindən qadağan olunur
    windows-11-in-xaricini-gorunusunu-ayarlamaga-imkan-veren-tetbiqler-microsoft-terefinden-qadagan-olunur
    Windows 10 istifadəçilər arasında Windows 11-dən daha məşhur olmaqda davam edir
    windows-10-istifadeciler-arasinda-windows-11-den-daha-meshur-olmaqda-davam-edir