Xiaomi smartfonlarındakı reklamları bir kliklə deaktiv etmək mümkün olmayacaq

Proqram Təminatı

05.08.2024

Emil

Bir neçə müddət bundan öncə məlumat ortaya çıxmışdı ki, Xiaomi şirkəti HyperOS-in ayarlar bölməsində yerləşəcək xüsusi düymə üzərində çalışır və həmin düymə bir kliklə sistem tətbiqlərində reklam elanlarını deaktiv etməyə imkan verəcək. Android Authority saytı öz növbəsində bu məlumatın həqiqətə uyğun olub-olmadığını təsdiqləmək üçün Xiaomi-yə müraciət edib. Xiaomi isə ortaya çıxmış bu məlumatı təkzib edib. Şirkət bildirib ki, istifadəçi təcrübəsinin yaxşılaşdırılması istiqamətində şirkət öz smartfonlarında daha öncədən quraşdırılmış tətbiqlərin sayını azaltmağa hədəflənib.

Məlumata əsasən şirkətin yaxın zamanda təqdim olunacaq yeni flaqman smartfonlarında bunu müşahidə etmək mümkün olacaq. Lakin sistem tətbiqlərində reklam elanlarının bir düymə vasitəsilə deaktiv edilməsi imkanını gözləmək lazım deyil. Qeyd etmək lazımdır ki, hal-hazırda Xiaomi smartfonlarında sərgilənən reklam elanlarını deaktiv etmək üçün ilk növbədə ayarlar bölməsinin dərinliklərində olan MSA tətbiqini deaktiv etmək lazımdır. Daha sonra isə reklam elanının sərgiləndiyi hər bir sistem tətbiqi üçün ayrı-ayrılıqda bu imkanı deaktiv etmək lazım gələcək.

Paylaş

Xiaomi

xiaomi hyperos

hyperos

Bənzər xəbərlər