main-post-cover

    Əvvəlkindən daha yaxşı, sonuncudan daha sərfəli - FOTO

    Digər
    Reklam və Marketinq
    14.04.2022
    Emil Nəcəfov
        Niyə ən son “iPhone SE”-dək yenilənmək lazımdır? 
        “iPhone SE” smartfonlarının üçüncü nəslinin bazara çıxması yalnız ilk baxışdan ötəri hadisə kimi görünə bilər. Əslində isə, bu, getdikcə daha da uzanan böhran şəraitində xərclərin optimallaşdırılması üçün əla variantdır.  
    - Yeni SE modelinin yaxşı tərəfləri hansılardır?
    - Köhnə cihazlardan fərq nədədir?
    - Bəs “iOS” əməliyyat sisteminin üstünlükləri hansılardır?
    - Yeni SE modeli mənə uyğundurmu?
        Kompakt telefon həvəskarlarının yüksək qiymətləndirdiyi bütün xüsusiyyətlər üçüncü nəsil “iPhone SE” smartfonunda saxlanılıb: səliqəli korpus, rahat 4,7-düymlük ekran və Touch ID funksiyasına malik tanış “Home” düyməsi. 
        Əsas yenilik 16 nüvəli “Neural Engine” neyroprosessoru ilə təchiz edilmiş günümüzün ən güclü “Bionic A15” çipidir. “iPhone 13” smartfonları da eyni çiplə təchiz edilmişdir. Bu, tətbiqlərin, o cümlədən oyunların maksimum iş sürəti, kəsintisiz animasiya və ümumilikdə, ən yüksək məhsuldarlıq deməkdir. Bütün bunlara baxmayaraq, “iPhone SE” hələ də “Apple” cihazları arasında ən münasib qiymətli məhsul olaraq qalmaqdadır. 
        Yeni model, həmçinin, aşağıdakı üstünlüklərə malikdir:
    -  4 GB-lıq operativ yaddaş həcmi.
    - 5G dəstəyi.
    - Telefonun arxasında və önündə yerləşdirilmiş, indiyədək mövcud olan ən möhkəm şüşə.
    - Zəngin rəng çalarları: rəng palitrasına göyümtül-qara “Midnight”, qızılı “Starlight” və parlaq qırmızı (PRODUCT)RED kimi rəng çalarları daxildir. 
        “iPhone SE” smartfonu texniki xüsusiyyətlərinə görə “Apple” brendinin 2018-ci ildən əvvəlki cihazlarından, çipin gücünə görə isə bütün cihazlarından qat-qat üstündür. 
        Belə bir kiçik korpusda bu cür daxili hissələr yerləşdirilsə də, “Apple” iş saatını 15 saatlıq fasiləsiz video yayımlanmasınadək artıra bilib. 
        Yeni “iPhone SE” smartfonunun 1 ədəd əsas kamerası olsa da, prosessorun gücü sayəsində çəkiliş keyfiyyəti və istifadədən alacağınız təəssürat digər modellərdən heç də geri qalmır. Ən yeni “Deep Fusion” funksiyaları və fotoşəkil üslubları müsbət tərəflər hesab olunur.  
        2018-ci ildən sonrakı bütün modellər kimi yeni “iPhone SE” də 2 sim-kartı dəstəkləyir. Bunlar fiziki nano-SIM və rəqəmsal e-SIM kartlarıdır. 
        Yenilənmiş “iPhone SE” modelini “Apple” şirkətinin Azərbaycanda rəsmi resellerlərindən əldə etmək olar:
    Linki kopyala