ChatGPT-yə faylların yüklənərək analiz edilməsi funksiyası əlavə edilib

Servislər

31.10.2023

Emil

OpenAI şirkəti ChatGPT çat-botunun ödənişli versiyası olan ChatGPT Plus-ın istifadəçilərinə yeni fayl yüklənməsi funksiyasını təqdim edib. Yeni funksiya vasitəsilə yüklənən fayllar yüklənəndən sonra çat-bot tərəfindən analiz edilir. Bu və ya digər faylın yüklənməsindən sonra çat-bot onu müəyyən müddət ərzində emal edir. Daha sonra sistem istifadəçinin yüklənmiş fayl ilə bağlı suallarına cavab verə, fayldakı məlumatları ümumiləşdirə və ya məlumatları vizuallaşdıra bilər. İstifadəçi təkcə mətn formatında deyil, digər formatda olan faylları da yükləyə bilər. İstifadəçilər tərəfindən aparılmış testlərdə ChatGPT yüklənmiş foto əsasında müəyyən tərzdə digər bir fotonu tərtib edə bilib. Bu, sistemə DALL-E 3 adlı neyron şəbəkəsinin inteqrasiya edilməsi sayəsində mümkün olub.

Paylaş

Bənzər xəbərlər