Google Chrome brauzerində maraqlı bir funksiya istifadəyə verilib. İstifadəyə verilmiş yeni funksiya Copy Video Frame adını əldə edib. Sözügedən funksiya bu və ya digər videodakı hər hansısa kadrı kopyalamağa imkan verir. Bu funksiyanın istifadəsi ilə artıq videodakı kadrların screenshot fotolarını çəkməyə ehtiyac qalmır. Çox zaman screenshot fotoların keyfiyyətləri daha aşağı olurlar və üstəlik bu cür fotolarda videonun idarəetmə paneli də əks olunur.

    Sözügedən yeni funksiyadan Youtube-da istifadə etmək üçün videonu lazımi kadrın əks olunduğu anda dayandırmaq və kadr üzərində mouse-un sağ düyməsinə iki dəfə klikləmək lazımdır. Açılacaq menyuda isə Copy Video Frame əməliyyatını seçmək lazım gələcək. Məlum olub ki, yeni funksiya digər video servislərdə o qədər də yaxşı çalışmır. Bundan əlavə olaraq kopyalanmış kadrı kompüterin iş masasına yükləmək mümkün deyil. İstifadəçi kopyalanmnış kadrı Google Docs-dakı hansısa fayla və ya Apple cihazlarında olan Notes tətbiqinə yerləşdirə bilər.