Google Chrome-da login və şifrədən istifadə etməyərək müxtəlif resurslara giriş funksiyası istifadəyə verilib

Google Chrome-da login və şifrədən istifadə etməyərək müxtəlif resurslara giriş funksiyası istifadəyə verilib

Servislər
14.12.2022 PAYLAŞIM

    Google şirkəti elan edib ki, Chrome brauzerində giriş açarları funksiyası artıq hamı üçün istifadəyə verilib. Sözügedən funksiya istifadəçilərin qəliz şifrələri yadda saxlamağa ehtiyac duymadan müxtəlif resurslara daxil olmaları üçün nəzərdə tutulub. Giriş açarları funksiyası Chrome brauzerinin Windows 11, macOS Android əməliyyat sistemləri üçün nəzərdə tutulmuş son versiyasında istifadəyə verilib. Müasir zamanda login və şifrə istifadəsilə reallaşdırılan ənənəvi autentifikasiya üsulu heç də etibarlı olmaya bilər. Özəl məlumatların və ya hansısa resurslarda mövcud olan istifadəçi hesablarının etibarlı şəkildə qorunması üçün istifadəçilərdən uzun və qəliz şifrələrin yaradılması ilə yanaşı bu cür şifrələrin generasiya edilməsi və saxlanması üçün lazım olan şifrə menecerlərindən istifadə də tələb edilir.


    Giriş açarları daha effektiv təhlükəsizlik səviyyəsini təqdim edirlər. Giriş açarının bir hissəsi müəyyən tokendən ibarət olur və həmin token birbaşa istifadəçi cihazının yaddaşında saxlanılır. Bu və ya digər resursa giriş etmək istəyən zaman istifadəçi cihazında olan token müvafiq sayt və ya tətbiq ilə əlaqə yaradır. Bu halda müvafiq sayt və ya tətbiqdə daxil olmaq üçün nəzərdə tutulmuş istifadəçi şifrəsini daxil etməyə ehtiyac qalmır. Nəticədə şifrəni oğurlamaq da mümkün olmur. Tokenin təqdim edilməsi üçün sistem istifadəçidən kimliyini təsdiq etməyi tələb edir. Məsələn bunu smartfondakı barmaq izi skanı vasitəsilə reallaşdırmaq olar.

    Bu mexanizm eyni üsul ilə brauzerin veb versiyasında da çalışır. Nəticədə istifadəçi sözügedən üsulu dəstəkləyən istənilən sayt ilə tətbiqdə login-şifrə kombinasiyasından istifadə etməyərək girişi reallaşdıra bilər. Kompüterdə istifadəçinin kimliyini təsdiq etmək üçün isə Windows Hello tətbiqindən istifadə edilə bilər. Sözügedən tətbiq üz və barmaq izi skanı imkanını özündə birləşdirir. Həmçinin kompüter üzərindən bu üsul ilə müəyyən resursa və ya tətbiqə giriş etmək istəyən istifadəçi öz kimliyini həmçinin USB açar və ya skan özəlliklərinə sahib smartfonu vasitəsilə də təsdiq edə bilər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Shutterstock platforması mətn formatlı təsvirlər əsasında fotoların generasiyası..

Stock fotoların, videoların və musiqilərin satışlarını reallaşdıran Shutterstock servisi keçən il Op..


OpenAI şirkəti süni zəka əsaslı ChatGPT çat-botunun pullu versiyasını hazırlayır..

Bütün dünyada böyük səs-küyə səbəb olmuş süni zəka əsaslı ChatGPT çat-botu öz yaradıcısı olan OpenAI..


Microsoft ChatGPT-nı özünün Office tətbiqlərinə inteqrasiya etməyi planlaşdırır..

Bir neçə gün bundan öncə məlumat ortaya çıxmışdı ki, Microsoft şirkəti süni zəka əsaslı ChatGPT çat-..


İtmiş Android cihazı hətta internetə qoşulmadan da tapmaq mümkün olacaq

Google şirkəti Find My Device servisini təkmilləşdirmək niyyətindədir.


Google Play valideynlərin vəsaitlərini uşaqların gözlənilməz xərclərindən qoruya..

Valideynlərinin külli miqdarda vəsaitlərini xərcləmiş uşaqlar barəsində xəbərlər daimi şəkildə inter..

×