main-post-cover

    Google Chrome təhlükəli əlavələr (extensions) barəsində istifadəçilərə bildiriş göndərəcək

    Proqram Təminatı
    Servislər
    23.08.2023
    Emil Nəcəfov
        Google Chrome brauzerinin 117-ci versiyası yaxın zamanda beta test mərhələsindən çıxacaq və bütün istifadəçilər üçün aktiv olacaq. İstifadəyə veriləcək bu Chrome versiyasının əsas yeniliklərindən biri də o olacaq ki, o, istifadəçinin quraşdırmış olduğu bu və ya digər əlavənin (extension) Chrome Web Store-dan silinəcəyi halda bu barədə istifadəçiyə bildiriş göndərəcək. Əlavələr brauzerin imkanlarını genişləndirmək üçün nəzərdə tutulmuş yaxşı üsullardan biridir. Lakin çox zaman brauzer əlavələrindən həmçinin hackerlər də faydalanırlar. Belə ki, hackerlər tərəfindən yaradılan əlavələr istifadəçilərin konfidensial məlumatlarını oğurlayır və ya onlara reklam elanlarını sərgiləyirlər.
        İstifadəçiləri bu cür əlavələrdən kənarlaşdırmaq istiqamətində Google həmin əlavələri Chrome Web Store-dan silir. Lakin həmin əlavələri artıq istifadə edənlərə bu cür addım o qədər də yaxşı yardımçı olmur. Belə ki, istifadəçilər zərərli əlavələri fərdi şəkildə silməli olurlar və ya hər hansısa zərərli əlavə haqqında xəbəri ciddiyə almırlar. Buna görə də Google Chrome üçün nəzərdə tutulmuş bu yeni funksiyanı reallaşdırmaq qərarına gəlib. Beləliklə Chrome 117-dən başlayaraq brauzer bu və ya digər əlavənin Chrome Web Store-dan silindiyi barəsində xəbəri istifadəçiyə çatdıracaq.
    Linki kopyala

    Bənzər xəbərlər

    Oxşar xəbərlər