Google şirkəti Pixel smartfonları və planşetlərində süni zəka əsaslı Google Bard çat-botundan istifadəni asanlaşdıracaq Android vidjet üzərində çalışır. Hazırlanan vidjet yalnız eksklüziv olaraq Pixel smartfonları ilə planşetlərində aktiv olacaq. Google Bard hal hazırda məhdud sayda istifadəçi arasında aktivdir. O hələ şirkətin ekosisteminə inteqrasiya edilməyib. Hal hazırda Google Bard-a yalnız brauzer üzərindən daxil olmaq olar.

    Microsoft öz növbəsində ChatGPT-ni artıq Edge brauzerinə və Bing axtarış sisteminə inteqrasiya edib. Google da Android-də Bard-dan istifadə imkanını sadələşdirməyi planlaşdırır. Lakin Bard-ın Android-də necə istifadəyə veriləcəyi tam aydın deyil. Bu, tamamilə yeni tətbiq və ya Google Search daxilinə inteqrasiya edilmiş imkan kimi də ola bilər. Lakin bununla belə məlumatda qeyd edilib ki, Pixel cihazlarındakı əməliyyat sisteminin əsas ekranında Bard üçün ayrıca vidjet ayrılacaq.