Reklam
Google Play Store tətbiqlərin hansı istifadəçi məlumatlarını yığdıqlarını bildirməyə başlayıb

Google Play Store tətbiqlərin hansı istifadəçi məlumatlarını yığdıqlarını bildirməyə başlayıb

Servislər
27.04.2022 PAYLAŞIM

    Google şirkəti hələ keçən ilin yaz fəslində özünün tətbiqlər mağazası olan Google Play Store üçün anons etmiş olduğu yeni funksiyanın istifadəyə verilməsinə başlayıb. Belə ki, Google Play Store smartfona quraşdırılmış bu və ya digər tətbiqin hansı istifadəçi məlumatlarını yığdığı barəsində məlumat verir. Bu yeni funksiya tədricən bütün qrupları əhatə edən istifadəçilər üçün aktivləşdiriləcək. Tərtibatçılar isə öz tətbiqlərinin hansı istifadəçi məlumatlarını yığdıqları barəsində ətraflı məlumatları Google Play Store-un həmin bölməsinə 20 iyul tarixinə kimi əlavə etməlidirlər. Google şirkətinin verdiyi məlumata əsasən tətbiqlər mağazasında olan əlavə bölmə sayəsində istifadəçilər tətbiqlər tərəfindən yığılan məlumatlar, tərtibatçıların həmin məlumatları üçüncü tərəflərlə bölüşüb-bölüşmədikləri və ya ümumiyyətlə məlumatların ötürülməsi zamanı onların necə şifrələndikləri barəsində ətraflı məlumatları əldə edəcəklər.


    Tərtibatçılar isə öz növbələrində yğılan konfidensial məlumatların növlərini qeyd etməlidirlər. Beləliklə siyahıya cihazın yerləşdiyi yer, maliyyə məlumatları (alış-veriş tarixçəsi, kredit reytinqi və s.), istifadəçi səhhəti barəsində məlumatlar, mesajlar, kontaktlardakı telefon nömrələri, fayllar və sənədlər, tətbiqlərdə yerinə yetirilən əməliyyatlar, brauzer tarixçəsi, cihazın performansı və diaqnostikası barəsində məlumatlar və həmçinin cihazın identifikatorları daxildir. Yəni tərtibatçılar Google Play Store-da öz tətbiqlərinin sadalanmış bu məlumatlardan hansılarını yığdıqları, bunun hansı məqsədlə yerinə yetirildiyini, yığılan məlumatların üçüncü tərəflərə ötürülüb-ötürülmədiyini və onların necə şifrələndiklərini qeyd etməlidirlər.

    Məlumatda qeyd edilib ki, yığılan konfidensial məlumatlar barəsində yalan məlumatların qeyd edilməsi öz növbəsində bu və ya digər tətbiqin Google Play Store-dan silinməsinə səbəb olacaq. Google qeyd edib ki, yeni konfidensiallıq siyasətini əhatə edən formanı hətta heç bir konfidensial məlumatı yığmayan tətbiqlərin tərtibatçıları da doldurmalı olacaqlar. Bundan əlavə olaraq tərtibatçılar özlərinin konfidensiallıq siyasətlərinə yönləndirəcək linkləri də yerləşdirməli olacaqlar. Qeyd etmək lazımdır ki, bu cür özəllik 2020-ci ilin sonunda App Store-da istifadəyə verilmişdi. Daha sonra Google şirkəti də öz platformasında onun istifadəyə verilməsinə qərar verdi. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Adobe Photoshop-un pulsuz veb versiyasını istifadəyə verib

Adobe şirkəti Photoshop tətbiqinin güclü kompüter və ödənişli abunəlik tələb etməyən versiyasının te..


Google Search ilə rəqabət?: Apple gələn il öz axtarış servisini təqdim edə bilər..

Robert Scoble adlı blogger öz Twitter hesabında məlumat verib ki, Apple şirkəti fərdi axtarış servis..


Apple tərtibatçılara köhnəlmiş tətbiqlərin yenilənmələri üçün 90 gün vaxt verib..

Bir neçə müddət bundan öncə məlum oldu ki, Apple şirkəti uzun müddət ərzində yenilənməmiş, az sayda ..


Apple istifadəçilər tərəfindən yüklənməyən tətbiqləri App Store-dan siləcək..

Bir neçə gün bundan öncə Apple şirkəti rəsmi olaraq xəbər verdi ki, o, uzun müddət ərzində yenilənmə..


Uzun müddət ərzində yenilənməmiş tətbiqlər App Store-dan silinəcəklər..

Bir neçə müddət bundan öncə Google rəsmi olaraq bildirmişdi ki, uzun müddət ərzində yenilənməmiş tət..


Google Play Store daxilində köhnə tətbiqlər gizlədiləcək

Google şirkəti Play Store-dakı köhnə tətbiqləri gizlətməyə başlayacaq.

×