Microsoft Bing daxilindəki süni zəka əsaslı çat-botu hamı üçün aktivləşdirib

    Microsoft şirkəti Bing axtarış sistemi daxilində GPT-4 dil modeli əsasında çalışan Bing Chat AI çat-botunu bütün istifadəçilər üçün aktivləşdirib. Beləliklə bundan sonra Bing daxilindəki çat-botdan istifadə etmək üçün sadəcə olaraq Microsoft hesabına sahib olmaq kifayət edəcək. Beləliklə bundan sonra istifadəçilər çat-botdan istifadə etmək üçün gözləmə siyahısına daxil edilməyəcəklər. İstifadəçi Bing-ə və ya Edge brauzerinə Microsoft hesabı vasitəsilə daxil olacaq GPT-4 əsasında çalışan çat-botdan istifadə edə bilər. Bundan əlavə olaraq şirkət Bing çat-botuna yeni funksiyaları da əlavə edib. Onların arasında çat-botun foto və videolarla çalışa bilmə imkanı da var.