Adi veb axtarış nisbətən ucuz başa gəlir. Google öz reklam biznesi sayəsində son 1 il ərzində 283 milyard dollar gəlir əldə edib. Bing axtarış sisteminin bazarda kiçik pay sahibi olmasına baxmayaraq son 7 il ərzində o da Microsoft üçün gəlirli olub. Lakin günümüzdə vəziyyət sürətlə dəyişir və süni zəka texnologiyasına əsaslanan yeni növ axtarış texnologiyaları daha ön plana keçirlər. Bu səbəbdən də Microsoft şirkətinin istiqamət aldığı yeni mövqeyi uğurlu görünür. Google isə bu məsələdə böyük zərər görə bilər. Etibarlı və düzgün şəkildə çalışan çat-botun hazırlanması heç də ucuz başa gəlmir. Həmçinin süni zəka əsaslı çat-bota edilən milyardlarla sorğunun emalı da külli miqdarda vəsait ilə texniki resurs tələb edir. Süni zəka əsaslı çat-bota edilən bir ədəd sorğununun Google və Microsoft-a hansı qiymətə başa gəldiyi tam dəqiq bilinmir.

Böyük texnoloji şirkətlər fərdi bulud infrastrukturuna sahib olurlar. Həmin bulud infrastrukturlarını isə çat-bot ilə daha yaxşı çalışmaq üçün optimizasiya etmək mümkündür.

    ChatGPT çat-botunun yaradıcısı olan OpenAI şirkətinin rəhbəri Sam Altman-ın sözlərinə əsasən süni zəka əsaslı çat-bot ilə olan hər bir çatın qiyməti sentlərlə ölçülür. Corciya Texnologiya İnstitutunun informatika üzrə professoru Alan Ritter-in sözlərinə əsasən bu cür çat-bota edilən bir sorğunun qiyməti 11 sent təşkil edir. Morgan Stanley isə ChatGPT-yə edilən bir sorğunu 2 sent qiymətində dəyərləndirir. Lakin süni zəka əsaslı çat-botla olan çat üçün bu qədər kiçik bir qiymət göstəricisi ənənəvi veb axtarış üsulunun qiymət göstəricisi ilə müqayisədə çox yüksəkdir. Gələcəkdə çat-botlar maksimal dərəcədə dəqiq çalışdıqları zaman Google və Microsoft kimi şirkətlər bu üstünlükdən istifadə edərək reklam elanlarının qiymətlərini yüksəldə bilərlər. Lakin hal hazırda bu cür ehtimal mümkün görünmür.

Bənzər xəbər

Windows 10-un axtarış sisteminə koronavirus izləmə funksiyası əlavə olundu

Əgər sabahkı gündə veb axtarışdan istifadə edən hər bir şəxs süni zəka əsaslı çat-bot ilə qarşılıqlı əlaqəyə keçid etsə, Bing axtarış sisteminin marjası aşağı düşəcək. Google isə bu halda böyük zərər əldə edəcək.

    Artıq 10 ildən çoxdur ki, Microsoft-un Bing axtarış sistemi Google ilə mübarizə aparmağa çalışır. Lakin ChatGPT ətrafında yaranmış böyük səs-küy və Microsoft şirkətinin onu öz məhsullarına inteqrasiya halları Google şirkətini süni zəka sahəsində yarışa qoşulmağa vadar edir. Bu yarış isə ona çox baha başa gələcək. Qeyd etmək lazımdır ki, yenilənmiş Bing-in gündəlik istifadəçi kütləsi artıq 100 milyon insana çatıb və Microsoft bu göstəricini artırmaqda davam edəcək. Lakin əsas sual Google şirkətinin bu mövzuda sonuna kimi gedib-getməyəcəyindədir. Microsoft-un CEO-su Satya Nadella Google şirkətinin bu yarışa tam vəziyyətdə qoşulacağına ümid edir. “Ümid edirəm ki, bizim reallaşdırdığımız yeniliklərdən sonra onlar da rəqs edə bildiklərini göstərmək üçün meydana çıxacaqlar və mənim istədiyim onları buna məhz bizim məcbur etdiyimizi insanların bilməli olmalarıdır” - deyə Satya Nadella qeyd edib.