OpenAI şirkəti süni zəka əsaslı ChatGPT çat-botunun API-nı tərtibatçılar üçün təqdim etdiyini elan edib. Tərtbatçılar çat-botun API-dan istifadə edərək süni zəka əsaslı botu öz proqram təminatlarına inteqrasiya edə, machine learning texnologiyalarından istifadə edərək smart servislər və neyron şəbəkələr əsasında süni zəka sistemlərini yarada bilərlər. Bundan əlavə olaraq OpenAI özünün Whisper adlı sisteminin API-nı da anons edib. Bu API audio faylların mətn formatına çevirilməsi üçün nəzərdə tutulub.

    Şirkətin sözlərinə əsasən o öz istifadəçi kütləsinin rəyləri əsasında süni zəka xidmətlərinin istifadəsi siyasətində dəyişiklik edib. Şirkət söz verib ki, o, daxil olan məlumatları süni zəka modellərinin təkmilləşdirilməsi prosesində istifadə etməyəcək. Belə ki, buna yalnız müştərilər qərar verməlidir. Bu proses yalnız onların icazələri əsasında reallaşdırılacaq. Bu isə öz növbəsində çat-botun öz iş prosesində qorunmaya yönəlik məlumatlardan istifadəsinə dair narahatlıqları aradan qaldıracaq. Məhz bu səbəbdən bəzi şirkətlərin əməkdaşlarına ChatGPT-dən istifadə qadağan edilib. Çünki kommersiya sirrini əhatə edən materiallar əsasında çat-botun təkmilləşdirilməsi məqsədəuyğun deyil. Belə ki, bu cür məlumatlar üçüncü tərəflərin əllərinə keçə bilər.