main-post-cover

    Photoshop-a generativ süni zəka funksiyası əlavə edilib (VİDEO)

    Proqram Təminatı
    Servislər
    24.05.2023
    Emil Nəcəfov
        Adobe şirkəti Firefly servisinin generativ süni zəka funksiyasını Photoshop-un beta versiyasına əlavə edib. Yeni funksiya Creative Cloud abunəçiləri üçün artıq aktivdir. Beləliklə Photoshop-da istifadəyə verilmiş generativ süni zəka funksiyası Generative Fill rejimi adlanır. Bu rejim fotoları təbii dil vasitəsilə daxil edilmiş sorğular vasitəsilə dəyişmək imkanını verir. İstifadəçilər sorğular vasitəsilə fotoları genişləndirə, fotolardakı obyektləri aradan qaldıra, onların tərkib hissələrinə müxtəlif detalları əlavə edə və ya çatışmayan detalları sıfırdan tərtib edə bilərlər. Süni zəka sistemi öz növbəsində fotonun perspektivinə, rəng çalarına və işıqlandırmasına diqqət yetirir.
        Adobe bildirib ki, Photoshop-da istifadəyə verilmiş generativ süni zəka funksiyasının təlimatlandırılmasında şirkət öz kataloqunda və açıq mənbələrdə olan fotolardan istifadə edib. Buna görə də Generative Fill rejimi vasitəsilə tərtib edilən fotolar müəllif hüquqlarını pozmurlar və həmin fotoları kommersiya məqsədlərində istifadə etmək olar. Şirkət həmçinin qeyd edib ki, Generative Fill vasitəsilə tərtib və ya redaktə edilmiş fotolar xüsusi işarəyə sahib olurlar. Xüsusi işarə isə fotolarda generativ süni zəkadan istifadə edildiyini bildirir. Generative Fill rejimi Photoshop-un hələ ki, beta versiyasında aktivdir. Onun stabil Photoshop-da istifadəyə verilməsi bu ilin ikinci yarısı üçün planlaşdırılır.
    Linki kopyala

    Bənzər xəbərlər

    Oxşar xəbərlər