Instagram istifadəçilərin real şəxslər olduqlarını yoxlamaq üçün onlardan video selfie tələb edir
Sosial Media
17.11.2021
Emil Nəcəfov
Instagram bəzi istifadəçilərdən video selfie tələb etməyə başlayıb. Tələb olunan video selfie-də istifadəçi üzü bir neçə rakursdan əks olunmalıdır. Bu üsul ilə istifadəçi real insan olduğunu təsdiq edə biləcək. Məlumatda qeyd edilib ki, bu üsul ilə Instagram botlarla mübarizə aparmağa çalışır. Ümumiyyətlə məşhur fotoservis artıq uzun müddətdir ki, botlarla mübarizə aparır. Bu cür botlar spam mesajlar göndərmək və ya süni şəkildə abunəçilərin sayını artırmaq üçün nəzərdə tutulublar. Instagram-ın rəsmi Twitter hesabı video selfie ilə bağlı artıq rəsmi məlumat verib. Həmin məlumata əsasən fotoservis həqiqətən də bu funksiya sayəsində spam botlarla mübarizə aparmaq niyyətindədir. Bununla yanaşı Instagram təmsilçiləri qeyd ediblər ki, istifadəçilər tərəfindən çəkilmiş video selfie-lər insanların üzlərinin skan sistemi üçün məlumatlar bazasına çevrilməyəcəklər. Məlumatda qeyd edilib ki, həmin video selfie-lər şirkət serverlərinə yüklənəndan 1 ay sonra avtomatik olaraq silinirlər.
Linki kopyala
Həftənin xəbərləri
Süni zəkanın köməyilə yaradılmış dərman insanlar üzərində test edilir
TikTok-un ABŞ-da qadağan edilməsinə hədəflənmiş qanun rəsmi səviyyədə dəstəklənib